Narazylyq kezinde tý ustap shyqqan jigittiń kim ekeni belgili boldy (VIDEO)

5541
Adyrna.kz Telegram

Almatydaǵy jappaı tártipsizdik kezinde qolyna elimizdiń kók týyn ustap shyqqan jigittiń kim ekeni belgili boldy, dep habarlaıdy "Adyrna" ulttyq portaly.

Bul jigit — qoǵam belsendisi Berik Ábishev. Ol narazylyq kezinde basyna oq tıip, jansaqtaý bólimine túsken. Qazir belsendi jigittiń jaǵdaıy jaman emes, esin jıypty.

Ol týraly feısbýk jelisinde Jánibek Imanmázir esimdi belsendi jazdy:

"Tabyldy. Áleýmettik jelide tý ustap tanylǵan jigit jańaryqta kózin ashty. Basyna snaıperdiń oǵy tıgen eken. Jurt sol jigitti kim dep izdep tappaı amandyq tilep edi, es tússiz jatqan Berik kóp bolmaı kózin ashty. Bul jigit almatylyq belsendi Berik Ábishev...".

Al jýrnalıst Erjan Ábdiramannyń aıtýynsha,  Berik Ábishev qazir Almatyda aýrýhanada jatyr. Ony baýyrlary birneshe kún izdep, 8 qańtar kúni 12-aýrýhanada operaııadan keıin es-tússiz jatqan jerinen taýypty. Sodan beri aǵasy Erik Ábishev onyń janynda eken.

"Esin jıǵan soń polıııa alyp kete me dep qorqady jáne jurtshylyqtan qoldaý kútedi. Sýrette tý ustap júrgen Berik ekenine sol kezde janynda bolǵan adamdar kýá deıdi ol. Ary qaraı Eriktiń telefon arqyly aıtqan áńgimesi.
"Meni, ápkemdi tanyp otyr. Biraq keshe dosy kelip edi, ony tanymady. Eshteńe esinde joq. Qulaǵy durys estimeı qalǵan. Súıemeldeýmen aqyryn júredi, tamaq ishedi. Dárigerler Berikke oq emes, jaryqshaq tıgen, shúıdesiniń bir jaǵynan kirip, samaı tusyna turyp qalǵan deıdi. Berikpen 6 qańtar kúni sońǵy ret saǵat keshki alty jarym shamasynda sóıleskem. Alańdamyn, beıbit mıtıng bolyp jatyr dedi. Qaıtsańshy dep edim, keshe biraz adamdy atyp tastady, qalaı ketem, odan da óziń kel dedi. Men ol kezde jumysta otyrǵam. Biraz ýaqyttan keıin neshe ret zvandap ala almadym. Aqyry saǵat túngi ondarda onyń telefonynan basqa bireý jaýap berdi. "Berik qaıda?" desem, "Berikti atyp tastadym! Ploadqa kel, seni de atyp tastaımyn!" deıdi. Sóıtti de telefondy óshirip tastady. Bul kim, ne aıtyp tur, qaljyńdap tur ma, álde polıııaǵa túsip qaldy ma dep ýaıymdadyq. Jabylyp izdep, dárigerler túsirip taratqan sýrettiń kómegimen osy aýrýhanadan taptyq. Kelsem, Berik komada jatyr, basynan jaralanǵan, operaııa jasalyp jarasy tigilgen, biraq dárigerler operaııa jasaǵan joqpyz, oq alǵan joqpyz dedi. Osyny túsinbeı otyrmyn. Bireýler KNB qysyp tastaǵan deıdi. Áıteýir, qazirge deıin polıııa kelgen joq. Biraq mıtıngide jaraqat alǵandardy aýrýhanadan alyp ketip jatqanyn estip, qorqyp otyrmyz" — dep jazdy ol feısbýk jelisinde.

Sondaı-aq ol: "Berik ózi túnimen basym dep uıyqtamaıdy. Oıaý kezinde túsiniksiz birdeńeler aıtady. Janashyr adamdar bizdi umyt qaldyrmaýyn, Berikti alyp ketýine jol bermeýin suraımyz", — deıdi.

Elde bolǵan tártipsizdikter kezinde basyn qaterge tigip, Qazaqstannyń kók baıraǵyn qolyna ustap shyqqan patrıot Berik Ábishevke biz de amandyq tileımiz.

 

"Adyrna" ulttyq portaly.

Pikirler