Qazaqstan Respublikasy ekologiia, geologiia jäne tabiǧi resurstar ministrlıgınıŋ habarlauynşa,kädege jaratu alymyn äkımşılendıru funksiiasy berılgen «Jasyl damu» AQ tolyǧymen memleketke tiesılı, dep habarlaidy “Adyrna” ūlttyq portaly Orda.kz saityna sılteme jasap.
«Jasyl damu» halyqaralyq jasyl tehnologiialar jäne investisiialyq jobalar ortalyǧyna qosylu turaly būryn qabyldanǧan qauly küşın joidy.
«Jasyl damu» aksionerlık qoǧamy ekologiia, geologiia jäne tabiǧi resurstar ministrlıgınıŋ vedomstvolyq baǧynysty ūiymy bolyp tabylady jäne memlekettıŋ qatysu ülesı 100%-dy qūraidy. Iаǧni, aksionerlık qoǧam qūramynda basqa jeke jäne zaŋdy tūlǧalar joq» dep habarlady ministrlık.«Jasyl Damu», eŋ aldymen, qysqa merzımde ÖKM memlekettık operatorynyŋ qyzmetın josparly rejimde qalpyna keltıruı tiıs. Būl rette kädege jaratu tölemınıŋ aǧymdaǧy mölşerlemelerı uäkılettı organ mölşerlemelerdı qaita qaraǧan sätke deiın qoldanysta bolady. Olardy äzırleu jäne talqylau jaqyn arada josparlanyp otyr. 2022 jylǧy 11 qaŋtarda prezident Qasym-Jomart Toqaev kädege jaratudy jinaumen şet elderdegıdei memlekettık ūiym ainalysuy tiıs ekenın atap öttı. Eske salsaq, äleumettık jelılerde būdan bylai kädege jaratu alymymen ainalysatyn memlekettık ūiym jariialaǧan «Jasyl Damuǧa» ekologiia ministrlıgınen halyqaralyq jasyl tehnologiialar jäne investisiialyq jobalar ortalyǧyna berılgenı turaly habarlandy. Basynda halyqaralyq jasyl tehnologiialar jäne investisiialyq jobalar ortalyǧyna jalǧyz qūryltaişysy ekologiia ministrlıgı boldy. Sodan keiın 50% aksiiasy Qazaqstannyŋ ekologiialyq ūiymdar qauymdastyǧyna 50 million teŋgege satyldy. Qauymdastyqtyŋ ekı qūryltaişysy bar – Äliia Nazarbaevanyŋ jeke qory jäne G-Global koalisiiasy. G-Global koalisiiasynyŋ üş qūryltaişysy bar – «Auyl» partiiasy töraǧasynyŋ orynbasary Töleutai Rahymbekov pen onyŋ qyzy Äliianyŋ JŞS-ne tiesılı.
”Adyrna” ūlttyq portaly
