Prezident Qasym-Jomart Toqaev biznestıŋ bır qolǧa şoǧyrlanuy memleket üşın qauıptı ürdıs ekenın aitty, - dep habarlaidy “Adyrna” ūlttyq portaly Tengrinews.kz saityna sılteme jasap.
Prezident reformalar jönındegı joǧary ekonomikalyq keŋes otyrystarynyŋ bırınde Qazaqstanda oligopoliia bar ekenın aitqanyn eske aldy.
"Men däl osy tezistı Parlamentte 11 qaŋtarda qaitaladym. Mūnda qatysqandardyŋ bärı oligopoliianyŋ klassikalyq anyqtamasyn bıledı dep ümıttenemın. Biznestıŋ bır qolǧa şoǧyrlanuy, käsıpkerlıkke qabılettı basqa adamdardyŋ ainalysu mümkındıgı bolmauy barlyq memleket üşın qauıptı ürdıs sanalady. Bızdıŋ jaǧdaida būl erekşe küşpen körındı. Oligopoliia - biznestı ärtaraptandyruǧa tūraqty ūmtylys, bıraq būl el ekonomikasyn ärtaraptandyru üşın emes. Iаǧni, sol adam nemese sol kompaniia öndıredı, öŋdeidı jäne banktermen jūmys ısteidı jäne basqa da köptegen biznesterdı jüzege asyrady, al qalǧandary tigenın alady", - dedı Toqaev.
