Jurnalist Mūrat Mūqaş feisbuk jelısınde jaqyn ınısın narazylyq kezınde polisiia ūstap äketkenın, keiın ony ata-anasy mäiıthanadan tapqanyn aityp jazba qaldyrdy dep habarlaidy "Adyrna" ūlttyq portaly.
Būl turaly Mūrat Mūqaş bylai dep jazdy (qaz-qalpynda berıp otyrmyz-red.):
"Ötken aptanyŋ jūmasy bızdıŋ äuletımız üşın asa auyr, qaraly kün boldy! "Almas qaitys boldy" degen suyq habardy estıgende töbemızden jai tüskendei sezındık! Amal qanşa, barşa tuystar Taldyqorǧan qalasyna jiylyp, közımızden jasymyz sorǧalap jürıp bauyrymyzdy jer qoinyna tapsyrdyq! Artynda aŋyrap anasy, eŋsesı ezılıp äkesı, jüregı qan jylaǧan aǧasy men adal jary, üş balasy qaldy! Nebärı 44 jasta bolatyn.
Almas menıŋ äkemnıŋ ülken aǧasy Qanapiia atamyzdyŋ nemeresı edı. "Aǧa" dep aŋqyldap jüretın kışıpeiıl ınımnıŋ qazasy maǧan öte auyr tidı! Sol künnen berı "Nege?" "Ne üşın?" degen sūraqtar jatsam-tūrsam oiymnan keter emes.
Ata-anasynyŋ aituynşa, şeruge şyqpagan. Tek kökönıs satatyn dükenın tekserıp qaityp kele jatqan jolda kelın ekeuın poliseiler toqtatady. Kelındı sol jerge qaldyrady da, Almasty alyp ketedı. Sodan bastap ol joq bolady. Ata-anasy 5 kün boiy ızdeidı, aqyry mäiıthanadan tabady.
Özınıŋ şaǧyn käsıbımen ainalysyp, bala-şaǧasyn asyrap jürgen ınımızdıŋ eşqandai jazyǧy joq edı ǧoi. Sony bıle tūra qūqyq qorǧauşy jendetterdıŋ sonşalyqty aiuandyq tanytyp, soqqyǧa jyqqanyn nemen tüsındıruge bolady? Olarǧa būiryq bergen kım?..
Keşe Almastyŋ anasy Äliia jeŋgemmen habarlastym. Hal-ahualdaryn sūradym. "Qaitemız endı, tırı adam tırşılıgın ısteidı ǧoi. Prokurorǧa bardym. Kınälı adamdardy anyqtap, jauapkerşılıkke tartudy ötınıp, aryz jazdym" - dedı jeŋgem. "İä, artynan ızdeuşısı joq eken demesın. Solai ıstegenderıŋ dūrys qoi", - dedım men de jeŋgemdı qostap, sol kınälılerdıŋ mülde tabylmaitynyn ıştei sezıp tūrsam da.
Adam qūqy, ädıldık, şyndyk, adamgerşılık tärızdı kielı ūǧymdardy tübegeilı joqqa şyǧarǧan būl qoǧamǧa osydan soŋ qaitıp ışıŋ jylidy?! Jazyqsyz ınımızdı eşqandai tergep-tekserusız azaptap öltırgen aiuandardy qarǧys atsyn!", — dep jazdy ol jelıde.
Aita ketu kerek, däl osyndai jaǧdaida polisiianyŋ äketuımen ketken nemese joǧalǧan bırqatar jıgıtter üilerıne qaita oralmai jatyr. Al olardyŋ otbasy qan jylap, bügınde män-jaidy, şyndyqty bıle almai dal.
"Adyrna" ūlttyq portaly.
