QR Bas prokuraturanyŋ bırınşı qyzmet bastyǧynyŋ orynbasary Eldos Qilymjanov Ortalyq kommunikasiialar qyzmetınde ötken brifingte Almatyda 24 adam zaŋsyz qamauda bolǧanyn aitty, dep habarlaidy "Adyrna" ūlttyq portaly.
"Bügınde prokuratura organdaryna polisiia qyzmetkerlerıne qatysty 91 şaǧym tüstı. Ärqaisyna jauap berdık. 19 ötınışte zaŋbūzuşylyq rastalmady. 56-sy älı tekserılıp jatyr. Rastalǧan jaǧdailar da bar. Mysaly, 12 qaŋtarda Almaty qalasynyŋ prokuraturasy zaŋsyz ūstalǧan 24 qala tūrǧynyn bosatty. Sondai-aq, ūstalǧan adamdardyŋ ölımı, azaptau jäne bilıktı asyra paidalanu derekterı boiynşa ıster tergelıp jatyr. Respublika boiynşa barlyǧy osyndai 16 qylmystyq ıs qozǧaldy", - dedı Eldos Qilymjanov.Onyŋ aituynşa, zorlyq-zombylyq jasau jäne medisinalyq kömek körsetpeu jaǧdailaryn täuelsız tekseru üşın adam qūqyqtary jönındegı uäkılge jäne qūqyq qorǧau ūiymdaryna ūstalǧandar men qamauǧa alynǧandarǧa kıruge rūqsat berıldı. Būdan basqa, Respublikalyq advokattar alqasymen bırlesıp, zaŋ boiynşa uaqtyly bılıktı kömek körsetu, sondai-aq qorǧauşylardyŋ mekemelerge qol jetkızuı mäselesı şeşıldı.
"Adyrna" ūlttyq portaly.
