Memleket basşysy Qasym-Jomart Toqaevtyŋ töraǧalyǧymen Prezident Äkımşılıgı, Qauıpsızdık Keŋesı, Bas prokuratura, Ūlttyq qauıpsızdık komitetı, Qorǧanys jäne Işkı ıster ministrlıkterı basşylarynyŋ keŋesı öttı. Būl turaly Aqorda jazdy, dep habarlaidy «Adyrna» tılşısı.
Memleket basşysyna elımızdegı ahualdy tūraqtandyru üşın berılgen tapsyrmalardyŋ oryndalu barysy turaly baiandaldy. Äsırese qauıpsızdık pen qūqyqtyq tärtıptı qaita qalpyna keltıruge, azamattardyŋ zaŋdy qūqyqtaryn qamtamasyz etuge basa män berıldı.
Baiandamalardy tyŋdaǧan Memleket basşysy bolǧan oqiǧanyŋ barlyq män-jaiyn anyqtau jūmystaryn jalǧastyru qajet ekenın aitty.
Qasym-Jomart Toqaev aqparat salasyndaǧy küştık qūrylymdar men ökılettı organdar küş-jıgerlerın üilestırıp, jūrtşylyq tarapynan tüsetın saualdarǧa jedel jauap beruge tiıs ekenıne toqtaldy.
Memleket basşysy tūrǧyndardyŋ qazasyna qatysty mäsele boiynşa Bas prokuraturaǧa jäne Işkı ıster ministrlıgıne ärbır jaǧdaidy mūqiiat tergep-tekseru jönınde tapsyrma berdı.
– Jūrtşylyqtyŋ bolǧan oqiǧalar jönınde dolbar men qauesetke negızdelgen pıkır qalyptastyruyna jol beruge bolmaidy. Azamattar bilıktıŋ aşyqtyq pen zaŋdylyqty qamtamasyz etıp otyrǧanyn köruge tiıs, – dedı Memleket basşysy.Prezident Äkımşılıgınıŋ basşylyǧyna atalǧan mäselenı baqylauǧa alu tapsyryldy.
«Adyrna» ūlttyq portaly
