Qazaqstandyq saiasattanuşy Daniiar Äşımbaev Elbasy Nūrsūltan Nazarbaev pen memleket basşysy Qasym-Jomart Toqaevtyŋ arasynda qaqtyǧys boldy degen pıkırdı joqqa şyǧardy. Aituynşa, elımızde 2024 jyly ötetın sailauda Toqaevtyŋ jeŋıske jetkenın qalamaityndar bar. Onyŋ saldary elımızde bolǧan qaqtyǧystarǧa alyp kelgen boluy mümkın. Būl turaly Äşımbaev ia-centr.ru basylymyna bergen sūhbatynda aitty, dep habarlaidy "Adyrna" ūlttyq portaly stan.kz-ke sılteme jasap.
- Köpşılık Toqaevtyŋ “tranzittı prezident” ekenıne senımdı boldy. Bıraq Nur Otan partiiasy töraǧalyǧyn beruı mūny terıske şyǧardy. Sebebı būl post onyŋ mäjılıske de, ükımetke de bilıgı jüretının körsetedı. Eŋ bastysy, Toqaevtyŋ 2024 jylǧy sailauǧa tüsetının bıldıredı, – dedı saiasattanuşy.Äşımbaevtyŋ pıkırınşe, elımızde alda bolatyn sailauda Toqaevtyŋ jeŋıske jetkenın qalamaityn adamdar bolǧan jäne älı de bar.
- Nazarbaevtyŋ ol nūsqany qarastyrmaityny jäne şeşımın özgertpeitını tüsınıktı bolǧandyqtan, ol bızdıŋ basymyzdan ötken qarsylyqtar tolqynyn tudyrǧan boluy mümkın. Sondyqtan elitalar arasynda qaqtyǧys boldy, bıraq Nazarbaev pen Toqaevtyŋ arasynda emes, – dep tüsındırdı saiasattanuşy.Mamannyŋ pıkırınşe, Nazarbaevtyŋ tuystarynan bölek, özınıŋ saiasattaǧy bolaşaǧyn oilaǧan özge de tūlǧalar bolǧan. Mysaly – ŪQK-nıŋ būrynǧy basşysy Kärım Mäsımov. Qazırgı uaqytta ol memlekettık satqyndyq pen töŋkerıs jasauǧa tyrysty dep küdıktelude. Saiasattanuşy Toqaevtyŋ banditterdı jeŋgenın atap öttı. Alaida keibıreuler mūny Nazarbaevty jeŋdı dep körsetkısı keledı, deidı ol. “Bıraq būl Nazarbaevtyŋ da jeŋısı. Sebebı onyŋ ızbasary men baǧyty ornynda qaldy. Al ızbasary memlekettı alǧa jetelei alatyn myqty köşbasşy retınde körsettı. Nazarbaevtyŋ qalauy da sol edı. Sondyqtan būl Nazarbaevtyŋ da jeŋısı”, – dedı saiasattanuşy.
"Adyrna" ūlttyq portaly
