«Samūryq-Qazyna» qorynyŋ basşysy Almasadam Sätqaliev Qasym-Jomart Toqaevtyŋ synynan keiın jazba jariialady, dep habarlaidy "Adyrna" ūlttyq portaly.
- «Bügın el basşylyǧynyŋ saiasi tılegı arqasynda "Samūryq-Qazyna" qorynda qoǧamda belsendı talqylanyp jatqan reformalardy jüzege asyrudyŋ bıregei mümkındıgı paida boldy. Bız reformalau baǧdarlamasy jobasyna syndarly ūsynystaryn bölısuge daiyn barlyq adammen dialog jürgızemız», - dep jazdy Almasadam Sätqaliev.Onyŋ aituynşa, jaqyn arada būl josparlar aşyq derekközderde jäne korporativtık saitta jariialanady. Sondai-aq, ol kompaniia barlyq sūraqqa jauap beruge daiyn ekenın jazdy.
- «Aşyqtyq pen eseptılık, biznes üşın kedergılerdı joiu, äleumettık jauapkerşılık jäne sybailas jemqorlyqqa qarsy küres bazalyq qaǧidattar retınde aiqyndaldy. Qazaqstan Respublikasy azamattarynyŋ ūlttyq bailyqty ädıl bölu elementı retınde qor aktivterın ielenuge tıkelei qatysu mümkındıgı boluy mümkın», - dedı ol.Sätqaliev el ekonomikasyndaǧy tüiındı problemalardy şeşu maqsatynda biznes-prosesterdı jäne qor kompaniialary tobyndaǧy korporativtık basqaru praktikasyn reformalauǧa, mūnai, gaz, kömır, temırjol kölıgı, elektr energetikasy jäne telekommunikasiia naryqtaryndaǧy özara qarym-qatynastar qūrylymyn özgertuge baǧyttalǧan bırqatar teŋdessız şarany ūsynatynyn mälımdedı.
- «Bız satyp alu jüiesın tübegeilı qaita qarap, otandyq tauar öndıruşıler men şaǧyn jäne orta biznestı qoldau tetıkterın küşeituge niettımız. Būl mäseleler biznes-qoǧamdastyqpen 26 qaŋtar, särsenbıde äleumettık jelılerde onlain-transliasiia arqyly aşyq dialog formatynda talqylanady. Baǧdarlama bekıtılgen jaǧdaida, men onyŋ tabysty engızıluın jäne oryndaluyn qamtamasyz etuge daiynmyn. Sızden korporativtık mekenjaiymyzǧa ūsynystardy kütemız - usynys@sk.kz», - dep jazdy ol.
"Adyrna" ūlttyq portaly
