«Samūryq-Qazyna» Qorynyŋ jaŋa ūiymdyq qūrylymy bekıtılıp, qyzmetkerler sany 50% -ǧa qysqartylatyn boldy, dep habarlaidy "Adyrna" ūlttyq portaly.
Bügın Qordyŋ Basqarmasy tömendegı şeşımderdı qabyldady:
1. Jaŋa ūiymdyq qūrylym bekıtıldı. Oǧan säikes, Qor qyzmetkerlerınıŋ sany ekı ese, iaǧni, 248-den 124-ke deiın; al basqaruşy qyzmetter sany 10-nan 5-ke deiın qysqarady. Qūrylymdyq bölımder sany 27-den 18-ge (33%) qysqartyldy; «keŋesşı» qyzmetterı joiyldy. Qordyŋ şeteldegı ökıldıkterın jabu turaly şeşım qabyldandy. Qordyŋ jaŋa ūiymdyq qūrylymy resmi veb-saitta jariialanǧan.
2. Biznes jolyndaǧy kedergılerdı joiuǧa baǧyttalǧan Tıkelei satyp aludyŋ jaŋa tärtıbı men Qadaǧalau, marketing, jäne importtyŋ ornyn basu erejelerı aldyn-ala bekıtılıp, QR Qarjy ministrlıgı, QR Bäsekelestıktı qorǧau jäne damytu agenttıgı, jäne «Atameken» ŪKP-ge qarastyruǧa jıberıldı. Bır közden satyp aluǧa negız bolatyn faktorlar qysqartyldy. Atalǧan qūjattardy Direktorlar Keŋesı qabyldaǧan soŋ Qordyŋ korporativtık ortalyǧy satyp alu ädıstemesın daiyndau, satyp alulardy qadaǧalau jäne baqylau funksiialaryn atqarady.
3. Portfeldık kompaniialarǧa «Samūryq-Qazyna» Qoryn reformalau boiynşa QR Prezidentı tapsyrmalaryn oryndaudy qadaǧalau jönındegı qūjat jıberıldı; jauapty qyzmetkerler, ıske asyru merzımderı men qadaǧalau indikatorlary anyqtaldy.
4. Sonymen qatar, «Samūryq-Qazyna» AQ Basqarmasynyŋ 2022 j. 24-şı qaŋtaryndaǧy şeşımımen «Samūryq-Qazyna İnvest» JŞS Bas direktory A. K. Sūltanovtyŋ, «Samruk-Kazyna Construction» AQ Basqarma töraǧasy B.A. Sandyqbaevtyŋ, «Samūryq-Qazyna Kontrakt» JŞS bas direktory A.J. Aqylovtyŋ, «Samūryq-Qazyna Biznes Servis» JŞS bas direktory S.K. Elşıbekovtyŋ uäkılettıkterı merzımınen būryn aiaqtalyp, olarmen eŋbek qatynastaryn toqtatu kelısıldı.
Basqarma QR Ükımetıne joldanatyn Qordy reformalau baǧdarlamasyn daiyndau merzemderın bekıttı.
"Adyrna" ūlttyq portaly
