Bügın Ükımet otyrysynda elımızdıŋ batysyndaǧy 4 oblysty damytudyŋ keşendı jospary qabyldandy, dep habarlaidy “Adyrna” ūlttyq portaly QazAqparatqa sılteme jasap.
«Batys öŋırlerdıŋ erekşelıkterı men olardyŋ el ekonomikasynyŋ damuyna qosyp otyrǧan ülesın eskeretın bolsaq, atalǧan oblystardy äleumettık-ekonomikalyq jaǧynan ärı qarai damytu jäne tūrǧyndardyŋ äl-auqatyn jaqsartu öte özektı mäsele bolyp tabylady. Maŋǧystau jäne Atyrau oblystary boiynşa keşendı josparlar ötken jyly qabyldanǧan bolatyn. Olardy taǧy da bır pysyqtap, qosymşa qarjylandyru qajet boldy. Al Aqtöbe jäne Batys Qazaqstan oblystaryna keletın bolsaq, öŋır josparlary bügın bırınşı ret bekıtuge ūsynylyp otyr»,- dedı QR Premer-Ministrı Älihan Smaiylov.Onyŋ atap ötuınşe, keşendı josparlar ekonomikanyŋ jekelegen salalaryn damytuǧa ǧana emes, sondai-aq sapaly sumen qamtamasyz etu, bılım beru men densaulyq saqtaudyŋ qoljetımdı boluy, jaŋa jūmys oryndaryn qūru siiaqty maŋyzdy mäselelerdı şeşuge baǧyttaluy tiıs.
«Mäselen, Aqtöbe oblysynda önerkäsıp kölemın 2025-şı jylǧa qarai 2,8 trln teŋgege deiın arttyru jäne qosymşa 39 myŋnan astam jūmys ornyn qūru josparlanyp otyr. Batys Qazaqstan oblysy boiynşa 2 myŋ şaqyrymnan astam elektr jelılerı jaŋǧyrtylady, būl jelılerdıŋ tozuyn aitarlyqtai azaitatyn bolady. 38 myŋnan astam jaŋa jūmys orny qūrylady. Şamamen 2,1 trln teŋge jeke investisiia tartu josparlanyp otyr. Atyrau oblysy boiynşa elektr jelılerınde jiılep ketken apattardy odan ärı boldyrmau üşın tiıstı şaralar qabyldanady. 40 myŋnan astam jaŋa jūmys orny qūrylady. Şamamen 8,3 trln teŋge jeke investisiia tartu josparlanyp otyr»,- dedı ol.Ükımet basşysynyŋ aituynşa, Maŋǧystau oblysynda su tapşylyǧyn eskere otyryp, su tūşytatyn 9 zauyt pen qondyrǧyny salu jäne keŋeitu közdelıp otyr. Sondai-aq 55 myŋnan astam jūmys ornyn qūru josparlanuda.
«Qūjattarda negızınen biudjetten tys qarajatty tartuǧa basymdyq berılıp otyr jäne būl öte qūptarlyq jait ekenın atap ötkım keledı. Eŋ bastysy öŋır halqy oŋ özgerısterdı barynşa sezınulerı kerek. Bolaşaqqa senımmen qarap, jūmys ıstep, tabys tauyp, özderınıŋ biznesterın damytyp, jaqsy emdelıp, sapaly bılım aluy tiıs. Halyqtyŋ tūrmys sapasyn aitarlyqtai jaqsartu üşın barlyq mümkındıkterdı paidalanu qajet. Qūjattardy jalpy maqūldaimyz. Ūlttyq ekonomika ministrlıgıne, äkımdıkterge, müddelı memlekettık organdar men ūiymdarǧa keşendı josparlardaǧy ıs-şaralardy uaqytynda jäne sapaly ıske asyrudy qamtamasyz etudı tapsyramyn», - dedı Älihan Smaiylov.
“Adyrna” ūlttyq portaly
