«Nur Otan» partiiasy Şyǧys Qazaqstan oblystyq filialy töraǧasynyŋ bırınşı orynbasary Oleg Chugunkov äleumettık jelıde taralǧan ekı deputattyŋ mälımdemesıne qatysty pıkır bıldırdı.
Esterıŋızge salsaq, keşe Semei qalalyq mäslihatynyŋ ekı deputaty Aidos Qisamenov pen Dulat Qajmūhanbet «Nur Otan» partiiasynan şyǧatynyn jäne deputattyq ökılettıkterın toqtatqanyn jariialaǧan bolatyn.
Oleg Chugunkovtyŋ aituynşa, dabyl qaǧatyndai, jahandyq qūbylystar oryn alyp jatqan joq. Ol saiasi partiia – ortaq saiasi maqsattar men ūstanymdar negızınde qūrylǧan azamattardyŋ erıktı bırlestıgı ekenın eske saldy.
«Özderıŋızge belgılı, kelesı aidan bastap bız jariia formatta partiiamyzdyŋ atynan deputattardyŋ qoǧamdyq reitingın qalyptastyru üşın onlain platformany ıske qosamyz. Būl reiting mäslihattar deputattaryn Halyqpen neǧūrlym tiımdı jäne tūraqty özara ıs-qimyl jasauǧa yntalandyru jäne sailau aldyndaǧy baǧdarlamalardy ıske asyru üşın olardyŋ derbes jauapkerşılıgın arttyru maqsatynda qūrylady. Mümkın, bızdıŋ būrynǧy ärıptesterımız sondyqtanda aldyn ala şulap, öz mındettemelerınen «bosatudy» şeşken şyǧar», - degen qorytyndyǧa keledı «Nur Otan» partiiasy Şyǧys Qazaqstan oblystyq filialy töraǧasynyŋ bırınşı orynbasary.
Sonymen qatar, ol «Nur Otan» basqaruşy partiia retınde eldegı jaǧdai üşın jauapkerşılık jügın bırınşı jyl köterıp otyrǧan joq, deidı. Chugunkov Qazaqstan halqyna qyzmet etu müddesınde özımızdıŋ tiımdılıgımız ben mümkındıkterımızdı arttyru üşın jaŋǧyrtu üderısınde ekenın tılge tiek etedı.
Şyǧys Qazaqstan oblystyq filialy töraǧasynyŋ bırınşı orynbasary bileuşı saiasi küş ärqaşan eldıŋ barlyq problemalary üşın jauap beretının de jazdy. Onyŋ pıkırınşe, eldegı köptegen oŋ saiasi, äleumettık-ekonomikalyq prosesterdıŋ artynda partiia müşelerınıŋ - öz ısterımen moiyndauǧa ie bolǧan qamqor, jıgerlı, belsendı adamdardyŋ jūmysy tūr.
«Būl partiia qataryn «partiiada özın jaqsy köretın», bıraq özın onyŋ bır bölıgı retınde sezınbeitın kez-kelgen kezdeisoq tūlǧalardan jüielı tazartudy qamtidy. Osymen bız jyl saiyn ainalysamyz. Sonymen qatar, partiiaǧa da belsendı türde kıretınderın aitu kerek. Tek qazır mende «Nur Otan» qataryna kıru nietı 200–den astam adamnyŋ ötınışterı jatyr. Bırneşe adam ketsede - būl eşqandai mäselenı özgertpeidı. Men jelıde 2005 jyly partiia qatarynan bırneşe ondaǧan adamdy alyp, bır qoǧam qairatkerı şyqqanyn oqydym. Sodan berı bızdıŋ partiia Saiasi koniunkturalardan arylyp, tek küşeie tüstı. Sondyqtan mūny partiianyŋ özın-özı tazartu aktısı retınde qaraŋyz», - dep atap ötedı Chugunkov.
Onyŋ pıkırınşe, «Nur Otan» bäsekelestık küres arqyly köşbasşy partiia, halyqtyq ökıldık partiiasy jäne parlamenttık köpşılık bolyp tabylatynyn däleldedı. Partiia aldynda köp jūmys pen mındet tūr. Partiia ökılı memleket basşysy jariialaǧan reformalardy sapaly jüzege asyru üşın partiia tek nyǧaia tüsetınıne senımdı ekenın jetkızdı.
"Adyrna" ūlttyq portaly
