Qyzylordada jappai tärtıpsızdıkke qatysqan ekı köpbalaly ana ūstaldy. Qyzylorda polisiia departamentınıŋ baspasöz qyzmetınıŋ mälımetınşe, ūstalǧandar qaŋtar oqiǧasynyŋ basqa qatysuşylarymen bırge Qyzylorda oblysy äkımdıgınıŋ ǧimaratyna basyp kırgen, - dep habarlaidy "Adyrna" ūlttyq portaly Tengrinews.kz-ke sıltep
Qyzylorda polisiia departamentınıŋ baspasöz qyzmetı Facebook-te Qyzylorda oblysy äkımdıgınıŋ ǧimaratyna bır top adamnyŋ, onyŋ ışınde äielderdıŋ qalai basyp kırgenın körsetetın video jariialady. Al būl beibıt mitingıge ūqsamaidy.
"Qyzylordada 2022 jyl 5 qaŋtarda bolǧan jappai tärtıpsızdık kezınde ekı azamatşa mitingke qatysuşylarmen bırge oblys äkımdıgınıŋ ǧimaratyna zaŋsyz basyp kırıp, jappai tärtıpsızdık jasaǧan. Videodan körınıp tūrǧandai, azamatşa N.J. jäne B.Z. tas laqtyryp, äkımdıktıŋ temır qorşauyna şyǧyp, bır mezgılde balaǧat sözder aitqan", - dedı polisiia departamentınıŋ baspasöz qyzmetı.Ūstalǧan äielderge qatysty Qylmystyq kodekstıŋ 272-babynyŋ 2-bölıgı "Jappai tärtıpsızdıkke qatysu" boiynşa tergeu jürgızılıp jatyr.
"Qazırgı uaqytta ekı äiel de qylmystyq äreketterın tolyq moiyndady. Densaulyqtary men qamqorlyǧynda kämeletke tolmaǧan balalary bar ekenın eskere otyryp, negızgı jaza üiqamaqqa auystyryldy", - dedı poliseiler.Köpbalaly analardyŋ ūstalu deregın Qyzylorda oblysynyŋ tūrǧyndary synǧa alyp, Facebook-te äielderdı bosatudy talap etken jazbalar jariialady. Olardyŋ bırı jetı balanyŋ anasy, eŋ kenjesı 7 ailyq, emızulı. Ūstalǧan ekınşı azamatşa bes balanyŋ anasy. Vedomstvonyŋ baspasöz qyzmetı ärbır fakt polisiia tarapynan mūqiiat zerdelenetının basa aitty. Qorytyndysy boiynşa qūqyqtyq baǧa berıledı. Qyzylorda oblysynyŋ polisiia departamentınıŋ mälımetınşe, tötenşe jaǧdai kezınde oblystyq polisiiaǧa 952 adam jetkızılgen. Tötenşe jaǧdaidy būzǧany üşın 414 azamat äkımşılık jauapkerşılıkke tartylyp, 253 qūqyq būzuşy äkımşılık qamauǧa alyndy, onyŋ 73-ı bosatyldy. Qylmys jasady degen küdıkpen 97 adam uaqytşa ūstau izoliatoryna qamaldy. 12 adamǧa qatysty qamauǧa aluǧa qatysy joq būltartpau şarasy taŋdaldy. Ūstalǧandardan: bır bırlık tegıs ūŋǧyly jäne travmatikalyq qaru, 13 pyşaq, 9 qalqan, 4 kaska, 6 taiaq, oq ötpeitın jilet jäne bır kelı 150 gramm esırtkı zaty tärkılendı.
"Adyrna" ūlttyq portaly
