Äkımdıkter jer berudı, berılgen jerdıŋ paidalanyluyn baqylau jönındegı funksiialarynan aiyryldy, dep habarlaidy “Adyrna” ūlttyq portaly.
Auyl şaruaşylyǧy ministrlıgınıŋ mälımetı boiynşa, 2014 jyldan bastap Jer qatynastary jäne memlekettık baqylau basqarmalary oblystyq, qalalyq jäne audandyq äkımdıkterdıŋ qūramyna kırıp, onda «müddeler qaqtyǧysy» bolǧan-dy.
Memleket basşysynyŋ 2021 jylǧy 19 nauryzdaǧy QR Prezidentı janyndaǧy Ūlttyq qoǧamdyq senım keŋesınıŋ V otyrysynda bergen tapsyrmasyna säikes, jer reformasy jönındegı komissiia qūryldy. Komissiianyŋ 5 otyrysynda 120-dan astam ūsynys jasalyp, jer zaŋnamasyn jetıldıru boiynşa bırqatar jüielı ūsynymdar äzırlendı. Ūsynystardyŋ bırı «ortalyq – öŋır» qaǧidaty boiynşa jerdı ūtymdy paidalanuǧa memlekettık baqylaudyŋ bıryŋǧai vertikalyn qūru boldy.
Osyǧan bailanysty, 2021 jylǧy 30 mausymda «Qazaqstan Respublikasynyŋ keibır zaŋnamalyq aktılerıne jer qatynastaryn damytu mäselelerı boiynşa özgerıster men tolyqtyrular engızu turaly» zaŋ qabyldanǧan edı. Ol jerdıŋ paidalanyluy men qorǧaluyn memlekettık baqylau funksiialaryn 2022 jylǧy 1 qaŋtardan bastap aumaqtyq bölımşelerın qūra otyryp, ortalyq uäkılettı organnyŋ vedomstvosyna berudı közdeidı.
Osylaişa, jer beru jönındegı funksiialar äkımdıkterde qaldy, al äkımdıkterdıŋ jer beruın jäne menşık ielerınıŋ/jer paidalanuşylardyŋ jerdı paidalanuyn baqylau jönındegı funksiialar aumaqtyq departamentterdı qūru arqyly AŞM Jer resurstaryn basqaru komitetıne berıldı.
“Adyrna” ūlttyq portaly
