Erlan Sairov "Nur Otan" partiiasynyŋ kezekten tys sezıne qatysty post jazyp, atalǧan ıs-şaranyŋ qorytyndysymen bölıstı, dep habarlaidy "Adyrna" ūlttyq portaly.
Būl Qazaqstannyŋ saiasi tarihyndaǧy asa maŋyzdy tarihi oqiǧa boldy. Tek qana partiianyŋ basşylyǧy auysqan joq, elımızde saiasi baǧyt-baǧdar auysty. Dälırek aitsaq, 30-jyl memlekettı basqarǧan top saiasi arenadan kettı. Jalpy, bız ministrlerdıŋ auysuy, partiianyŋ basşylyǧynyŋ auysuy jönınde aitqanda odan eşqandai sensasiia jasaudyŋ qajetı joq. Adamnyŋ tabiǧaty sol- bıreu keledı, bıreu ketedı. Däl sol siiaqty saiasatta da toptar auysyp tūruy qajet. Ondai auysu bolmasa, saiasi organizm tūryp qalǧan su tärızdı "borsyp ketedı". Sudyŋ özı "ölı suǧa" ainalady. Mıne, jürıs-tūrystyŋ, auysyp tūrudyŋ män-mänısı osynda. "Nur Otan" partiiasynan osyǧanǧa deiın bileuşı top auysyp, kettı, dep jazdy ol.
Elbasynyŋ jäne partiia qūramynyŋ būrynǧy müşelerınıŋ elımızdıŋ damuyna qosqan ülesın, 2004-jylǧa deiıngı Qazaqstan memleketınıŋ şekarasyn bekıtu, Elordany köşıru, elımızdegı ekonomikalyq reformalardy jasau jönındegı eŋbekterın eşkım joqqa şyǧara almaityndyǧyn basa aitty.
"Būl memleketımızdıŋ būǧanasynyŋ qataiuy, şaŋyraǧynyŋ myǧym boluyna qosylǧan erekşe üles!" dep jazdy Erlan myrza.
