Joshy han kesenesi men Dombaýylǵa aparatyn jol qurylysyna shamamen 5,7 mlrd teńge jumsalmaq, dep habarlaıdy "Adyrna" ulttyq portaly.
«Tapsyrys berýshi – «Qaraǵandy oblysynyń jolaýshylar kóligi jáne avtomobıl joldary basqarmasy» memlekettik mekemesi; ataýy - avtomobıl joldaryn salý boıynsha jumystar; qosymsha sıpattama – "Sátbaev-Malshybaı-Joshyhan kesenesi, Dombaýyl" avtomobıl jolyn salý, josparlanǵan soma – 5 688 998 668 teńge», - delingen Memlekettik satyp alý portalynda jarııalanǵan lottyń sıpattamasynda.
Konkýrsqa qatysýǵa ótinimderdi aldyn ala qabyldaý qańtardyń 4-i men 21-i aralyǵynda júrgiziledi.
"Sátbaev-Malshybaı-Joshyhan kesenesi, Dombaýyl" avtomobıl jolyn salýdyń negizgi maqsaty - Joshyhan jáne Dombaýyl keseneler mańyn abattandyrýdy qamtamasyz etý bolyp tabylady", - delingen tehnıkalyq sıpattamada.
Joshy han kesenesi Jezqazǵan qalasynan 50 shaqyrym jerde ornalasqan. Joshy - Mońǵol ımperııasynyń batysyndaǵy jerlerdi mura etken Shyńǵys hannyń úlken uly, Altyn Ordanyń negizin qalaýshy.
Dombaýyl kesenesi – Jezqazǵan qalasynan soltústik-shyǵysqa qaraı 50 shaqyrym jerde, Qarakeńgir ózeniniń sol jaǵasynda ornalasqan. Ańyz boıynsha bul kesene uly sazger jáne jaýynger Dombaýyl qurmetine salynǵan eken, al óziniń bolǵany tarıh pen mıfpen (ertegi-ańyzben) ushtasady.
"Adyrna" ulttyq portaly
