"Olar sızdıŋ jaularyŋyz emes, öz otandastaryŋyz!" - Mūhtar Jäkışev Toqaevqa ündeu tastady (VİDEO)

- Bırınşıden, qoǧamymyzdaǧy jıkke bölınuşılık tereŋdep ketpeuı üşın eŋ aldymen ne ısteu kerek? Men qazır öz otandastarynyŋ taǧdyry boiynşa şeşım qabyldaǧandardyŋ barlyǧyna ötınış aitqym keledı. Şeşım qabyldaǧanda, būl sızdıŋ otandastaryŋyz ekenın bırınşı orynǧa qoiuyŋyz kerek. Olardyŋ ornynda sız de boluyŋyz mümkın, olar da sızdıŋ ornyŋyzda boluy mümkın. Bıraq būl sızdıŋ halqyŋyz. Sızde basqasy joq. Sondyqtan, sız şeşım qabyldai otyryp, kınäsız adamdy ädıletsız sottap jatqanyna säl de bolsyn kümändansaŋyz, ony sızdıŋ otandastaŋyz bolyp tabylatyn jaqyn adamnyŋ paidasyna qarai däleldeŋız. Sızde odan basqa jaqyn adam joq. Bırde-bır fransuz, bırde-bır amerikandyq sızben bırge bır elde tūratyn adamnan jaqyn bola almaidy. Bızdıŋ maqsattarymyz bır, balalarymyz bır elde tūrady. Sız de osy elde tūrudy josparlap otyrsyz. Bız bärımız balalarymyz laiyqty elge ie boluy üşın memleketımızdıŋ jaqsy jaqqa özgergenın qalaimyz. Osyny eske saqtaǧanymyz jön, - dep pıkır bıldırdı Mūhtar Jäkışev.

- Qazır  baspasöz betterınde elımızde jappai azaptau oryn alyp jatqany, beibıt mitingıge şyqqan adamdardy terrorister sanatyna auystyryp jatqany jäne t.b. turaly köp aqparat bar. Bır närsenı esıŋızge saqtaŋyz, būl eşkımge qajet emes! Qazır sız terrorist retınde körsetkıŋız keletın adamdar ärıptesterıŋızdıŋ ölımıne, oryn alǧan oqiǧalarǧa kınälı emes. Būǧan naǧyz zūlymdyq dep alatyn üşınşı küş kınälı. Al narazylyq bıldıruşıler men tärtıp saqşylary tarapynan zardap şekken adamdar, şyn mänınde osy üşınşı küştıŋ qyrǧynǧa, ölımge bergen zeŋbırek etı... Sebebı qūqyq qorǧau organdarynyŋ qūrbandary bolmasa, ol qandai bülık ? Sondyqtan olarǧa öz josparlaryn jüzege asyru üşın qūrbandyq qajet boldy. Tärtıp saqşylary tarapynan da, beibıt tūrǧyndar tarapynan da. Tüsınıp otyrsyz ǧoi. Olar sızdıŋ jaularyŋyz emes ekenın öte jaqsy tüsınuıŋız kerek. Būl sızdıŋ otandastaryŋyz. Sondyqtan sızge qandai qarym-qatynas jasaǧanyn qalasaŋyz, sızde olarǧa sondai qarym-qatynas jasaŋyz. Menıŋ osy bır tılegım bızdıŋ qoǧamymyzdy, bızdıŋ ūlttyq ideiamyzdy nyǧaityp, alǧaşqy qadam jasauǧa mümkındık beredı dep oilaimyn. Öitkenı reforma üşın bızge toptasu kerek. Būl toptasu kez kelgen jaǧdaida bırınşı qadamnan bastau alady. Osy alǧaşqy qadamdy jasaiyq. Sebebı, bügın jıberılgen kez kelgen ädıletsızdık tübı mındettı türde aşylady jäne bolaşaqta eselep köbeiedı. Bolaşaq taǧy da bır jarylystyŋ sebepkerı boluy mümkın.  Mūny qazır otandastarymyzdyŋ üstınen tergeu jürgızıp, olardyŋ taǧdyry turaly şeşım qabyldaǧandardyŋ bärı tüsınuı kerek, -  dedı Mūhtar Erkınūly.

"Adyrna" ūlttyq portaly