Almaty oblysynda pravoslav hristiandarynyŋ ziratyn būzdy degen küdıkke ılıngen psihikalyq auytquy bar adam ūstaldy. Būǧan deiın belgısız bıreuler Üştöbedegı pravoslav hristiandarynyŋ ziratyn būzǧany turaly habarlaǧan bolatyn, dep jazady "Adyrna" ūlttyq portaly.
Onyŋ videosy äleumettık jelıde jariialanyp, vandalizm qoǧamnyŋ aşuyn tudyrdy. Oǧan prezident Qasym-Jomart Toqaev ta ün qosty. Memleket basşysynyŋ tapsyrmasymen vandalizm jaǧdaiy ışkı ıster ministrlıgınıŋ baqylauyna alyndy.
Sputnik.kz saitynyŋ mälımdeuınşe, bügın Almaty oblysynyŋ poliseilerı 34 jastaǧy er adamdy ūstady. Ol zirattardy būzuǧa qatysy bar degen küdıkke ılındı. Üştöbe polisiiasyna jetkızılgen er adamnyŋ bala kezden psihikalyq auytquy bar bolyp şyqty. Onyŋ ıske qatystylyǧy saraptama jäne kuägerler arqyly anyqtaldy.
- Vandalizm äreketı 16 qaŋtarda oryn alǧany belgılı boldy. 14 ziratqa zalal keltırılgen. Olardyŋ qorşaulary syndyrylyp, krestterı men qabır basyndaǧy jazulary jūlynǧan. Ūrlau faktısı tırkelgen joq. Ziraty qiratylǧandardyŋ tuystaryna habar berıldı, - delıngen habarlamada.Qazırgı künı küdıktını psihonevrologiialyq dispanserge ornalastyru mäselesı şeşılıp jatyr. Küdıktınıŋ anasy ūlynyŋ äreketı üşın keşırım sūrap, video jariialady.
"Adyrna" ūlttyq portaly
