Zaŋgerlerdıŋ aituynşa, jūmystan ketken ŪQK qyzmetkerlerı qylmystyq jauapkerşılıkke tartyluy mümkın. Advokattar olarǧa zaŋ boiynşa jauap beruge bolatynyn da aitty, dep habarlaidy "Adyrna" ūlttyq portaly "Caravan.kz"-ke sılteme jasap.
2022 jyldyŋ 11 qaŋtarynda Prezident Qasym-Jomart Toqaev parlamentte söilegen sözınde: "Barlyq adam öz mındetıne adaldyq tanyta bermeidı. Bırqatar qalalarda Ūlttyq qauıpsızdık komitetınıŋ qūrylymdyq bölımşelerınıŋ basşylary jetkılıktı äskeri arsenalǧa qaramastan, qyzmettık ǧimarattan ūrysqa qatyspai, qaru-jaraq pen qūpiia qūjattardy sol jerde qaldyryp ketken", - degen bolatyn.QazTAG agenttıgıne bergen sūhbatynda zaŋger Aiman Omarova: "Qaŋtar oqiǧasy kezınde Almaty qalalyq Ūlttyq qauıpsızdık komitetı (ŪQK) departamentınıŋ ǧimaratynan şyǧyp ketken qyzmetkerler jauapqa tartyluy kerek", - dedı. Sondai-aq, advokat Aiman Omarova tergeudı bırneşe qyzmet türlerımen bırge mūqiiat jürgızu kerek dep sanaidy.
"Men Almaty qalasy boiynşa QR ŪQK jäne ǧimarattan şyǧyp, qarudy ıs jüzınde tapsyrǧan departament qyzmetkerlerın qylmystyq jauapkerşılıkke tartudy jäne osy sanattaǧy ıster boiynşa tergeudı sybailas jemqorlyqqa qarsy qyzmet, tergeu-jedel toby men Işkı ıster ministrlıgı jürgızsın dep talap etemın. Oǧan prokuratura da qatyspauy kerek", - dedı Aiman Omarova.Onyŋ sot talqylauy qajet degen pıkırın Almaty qalalyq advokattar alqasyndaǧy ärıptesterı de qoldap otyr. Zaŋger Djohar Ötebekov būl turaly: "Men būl jerde "salaqtyq" babynyŋ belgılerın körıp tūrmyn – būl QR Qylmystyq kodeksınıŋ 371-babynda körsetılgen qyzmettık mındetterın tiısınşe oryndamau. Jūmystan ketken ŪQK qyzmetkerlerıne qatysty, būl abaisyzdyq pa, älde qasaqana pogromşylarǧa qoldau körsetu üşın jasady ma, solardy osylai ataiyq. Būl jaǧdaida Qazaqstan Respublikasy Qylmystyq kodeksınıŋ basqa baptary qoldanyluy mümkın: 370-den bastap. - "Qyzmettegı äreketsızdık" 361 - "Lauazymdy ökılettıkterdı terıs paidalanu" nemese 362 - "Lauazymdy ökılettıkterdı asyra paidalanu". Mäselen, ŪQK-nıŋ özı habarlaǧandai, Kärım Mäsımov pen onyŋ keibır tıkelei qaramaǧyndaǧylarǧa qyzmet babyn asyra paidalanu baby boiynşa aiyp taǧyluda (Qazaqstan Respublikasynyŋ Qylmystyq kodeksinıŋ 362 baby). Keibır bölımşelerdegı banditterdıŋ qaru-jaraq aluy auyr zardap bolyp tabylady, bıraq mūnyŋ barlyǧyn, ärine, tergeu anyqtaityn bolady. Ärine, kınälıler zaŋ aiasynda jazasyn alady dep oilaimyn", — dedı ol.
"Adyrna" ūlttyq portaly
