Q.Toqaev Memlekettık hatşynyŋ ökılettıgın özgerttı

Būrynǧy qyzmetterınen bölek endı memlekettık hatşyǧa mynandai mındetter jükteledı:

• memleket basşysynyŋ tapsyrmasy boiynşa saiasi partiialarmen qarym-qatynasta prezidenttıŋ müddesın közdeidı;
• saiasi quǧyn-sürgın qūrbandaryn tolyq aqtau jönındegı memlekettık komissiianyŋ, Ūlttyq qoǧamdyq senım keŋesınıŋ jäne Jastar saiasaty jönındegı keŋestıŋ qyzmetın üilestıredı;
• Prezident janyndaǧy Qazaqstan strategiialyq zertteuler institutynyŋ qyzmetın qadaǧalaidy;
• «Täuelsızdık ūrpaqtary» grantyn taǧaiyndau boiynşa jūmysty üilestıredı. Sonymen qatar memlekettık hatşy myna qyzmetterdı atqarady: 1) Qazaqstan Respublikasynyŋ prezidentıne ışkı saiasat salasyndaǧy strategiialyq ūsynystardy äzırleidı; 2) memleket basşysynyŋ atynan memleket basşysynyŋ müddesın qorǧaidy:
• Qazaqstan Respublikasynyŋ parlamentımen jäne onyŋ palatalarymen, özge de memlekettık organdarmen jäne qoǧamdyq bırlestıktermen qarym-qatynasta;

halyqaralyq qatynystarda; 3) myna qyzmetterdı üilestıredı:

• äleumettık-gumanitarlyq sala mäselelerı boiynşa jūmystardy: bılım, ǧylym, mädeniet jäne sport;

• Memleket basşysynyŋ janyndaǧy konsultativtık-keŋesşı organdardyŋ jūmysyn;

• Sybailas jemqorlyqqa qarsy komissiialardyŋ, Memlekettık nagradalar jönındegı komissiialardyŋ, Azamattyq komissiialardyŋ jūmysyn;

• Qazaqstan Respublikasy Tūŋǧyş Prezidentı – Elbasynyŋ Memlekettık Beibıtşılık jäne progress syilyǧyn beru jönındegı komissiianyŋ jūmysyn;

• Memlekettık rämızder men vedomstvolyq jäne olarǧa teŋestırılgen özge de nagradalar geraldikasy mäselelerı jönındegı respublikalyq komissiia jūmysyn;

• Şetelde kadrlar daiarlau jönındegı respublikalyq komissiia jūmysyn;

• Äl-Farabi atyndaǧy ǧylym men tehnika salasyndaǧy memlekettık syilyqty beru jönındegı komissiia jūmysyn;
• Abai atyndaǧy ädebiet pen öner salasyndaǧy memlekettık syilyǧyn beru jönındegı komissiia jūmysyn;
• Qoǧamdyq sanany jaŋǧyrtu baǧdarlamasyn ıske asyru jönındegı ūlttyq komissiia jūmysyn;
• Saiasi quǧyn-sürgın qūrbandaryn tolyq aqtau jönındegı memlekettık komissiia jūmysyn;

Ūlttyq qoǧamdyq senım keŋesı jäne jastar saiasaty jönındegı keŋes jūmysyn. 4) qoǧamdyq damu salasyndaǧy memlekettık taldau qūrylymdarynyŋ jūmysyn üilestıredı; 5) Qazaqstan Respublikasy prezidentınıŋ tapsyrmalaryna säikes özge de ökılettıkterdı jüzege asyrady. Jarlyq qol qoiylǧan künnen bastap küşıne enedı. Eske salaiyq, 2022 jylǧy 5 qaŋtarda Erlan Qarin Memleket basşysynyŋ Jarlyǧymen Qazaqstan Respublikasynyŋ memlekettık hatşysy bolyp taǧaiyndaldy.