Ana men náreste ólim-jitimin boldyrmaý maqsatynda Shymkenttegi qalalyq perzenthana men №2 qalalyq aýrýhananyń bosaný bólimshesin 3-shi deńgeıge, al, №3 qalalyq aýrýhananyń bosaný bólimshesin 2-shi deńgeıge aýystyrý josparlanýda. Qala ákimi Murat Áıtenovke bergen esepti jıynda densaýlyq saqtaý basqarmasynyń basshysy B.Pozılov osylaı dedi.
Ekinshi deńgeıde fızıologııalyq bosandyrý bolsa, 3-shi deńgeıge ótkende, ártúrli patologııasy bar paıentterdi qabyldaýǵa múmkindik artady.
Sonymen qatar, medıına qyzmetkerleriniń 30 paıyzyna Izraıl, Germanııa, Reseı jáne Lıtvanyń jetekshi mamandarymen sheberlik sabaqtary ótkiziletin bolady.
Basqarma basshysy 1 jasqa deıingi balalardy proaktıvti baqylaýmen jáne skrınıngtermen qamtý ulǵaıtylatynyn jáne balalar aýrýhanasynyń bazasynda kardıohırýrgııa, oftalmologııa, ýrologııa, endokrınologııa, nevrologııa, neırohırýrgııa, kombýstıologııa syndy jańa bólimsheler ashylatynyn atap ótti.
Ana men náreste ólim-jitimin aldyn-alý úshin júkti áıelderdi bosanýǵa deıingi jeke jáne salaaralyq baqylaýmen qamtýdy 83 paıyzǵa ulǵaıtý josparlanǵan.
Ákim basqarma basshysyna turǵyndarǵa qoljetimdi jáne sapaly medıınalyq kómek kórsetilýin únemi baqylaýda ustaýdy, júkti áıelderdiń densaýlyǵyn saqtaý jáne balalardyń densaýlyǵyn nyǵaıtý boıynsha júıeli jumystardy atqarýdy jáne adamdardyń tegin medıınalyq kómektiń kepildik berilgen kólemin alý quqyqtarynyń iske asyrylýyn qamtamasyz etýdi tapsyrdy.
Shymkent qalasy ákimdiginiń baspasóz qyzmeti
