QR Úkimeti tarapynan turǵyn úıge muqtaj azamattardyń jaǵdaıyn jaqsartý maqsatynda turǵyn úıdiń jaldaý aqysyn sýbsıdııalaý tetigin engizý qarastyrylýda. Baspanany jaldaý qunyn sýbsıdııalaý mehanızmi búgingi Úkimet otyrysynda talqylandy.
Selektorlyq jıynǵa Shymkent qalasynyń ákimi M.Áıtenov, orynbasarlary men basqarma basshylary qatysty.
Búgingi tańda Shymkentte turǵyn úı alý tizimine 48 623 azamat tirkelgen. Onyń ishinde: 16 957 – halyqtyń áleýmettik jaǵynan álsiz toby; 9 186 – kópbalaly otbasylar; 1 819 – jetim jáne ata-anasynyń qamqorlyǵynsyz qalǵan balalar; 27 – jalǵyz turǵyn úıi apatty jaǵdaıda dep tanylǵan azamattar; 20 634 – memlekettik qyzmetshiler, bıýdjettik uıym jáne áskerı qyzmetshiler. Bıyl jalpy 3 701 azamatty baspanamen (748 kezektegilerge jáne 857 jumysshy jastarǵa arendalyq, 2 096 kredıttik) qamtamasyz etý kózdelýde.
Al, ataýly kómek boıynsha tizim mehanızm daıyndalǵanda ǵana jasaqtalatyn bolady. Baspanany jalǵa alýdyń bir bóligin tóleý qaǵıdatyna sáıkes 50% - memleket, qalǵan 50% - yn páter jaldaýshy óz betinshe tóleıdi. Qaıtalama turǵyn úıdi jalǵa alý úshin otbasynyń árbir múshesine shaqqandaǵy tabysy 1 eń tómengi kúnkóris deńgeıinen tómen (36 018 tg) kezekte turǵan kópbalaly otbasylar, jetim jáne ata-anasynyń qamqorlyǵynsyz qalǵan balalar, 1,2 top múgedekteri, múgedek bala tárbıeleýshi otbasylarǵa usylmaq. Atalǵan sýbsıdııalaý mehanızminiń basty operatory bolyp «Otbasy Banki» belgilendi.
Ótinish berýshiler úshin negizgi talaptar:
-Qazaqstan Respýblıkasynyń azamattyǵy;
- Otbasynyń (azamattyń) sońǵy 6 (alty) aıda otbasynyń árbir múshesine shaqqanda eń tómen kúnkóris deńgeıiniń 1 eselengen (36 018 tg) shamasynan aspaıtyn jıyntyq tabysynyń bolýy;
- Turǵyn úıge muqtaj retinde esepke qoıýdy jáne turǵyn úıge muqtaj mártebesin rastaý bolyp tabylady
- Quqyqtyq kadastrda tirkelgen turǵyn úı ıesi men jalǵa alýshy arasynda jasalǵan sharttyń bolýy.
Jańa mehanızm múddelik organdarmen bekitilip kelisilgen soń ǵana mamyr aıynda iske qosylady dep kútilýde.
Shymkent qalasy ákimdiginiń baspasóz qyzmeti
