Abai audanyna qarasty «Samal-3» şaǧyn audanynyŋ 27 myŋnan astam tūrǧyny biyl ortalyqtandyrylǧan kärız jüiesıne qosylady. Būl turaly qala äkımı Mūrat Äitenov jergılıktı tūrǧyndarmen kezdesu kezınde aitty.
Şaǧyn audan tūrǧyndary äkımmen bolǧan aşyq sūqbatta internet, jol mäselesı men aialdama ornatu boiynşa ötınışterın jetkızdı.
Halyqtyŋ sūraǧyna naqty jauap bergen qala basşysy ötken jyly üş köşe jöndelse, osy jyly 7 köşege asfalt töseletının al, kärız jüielerı jürgızılıp jatqan köşelerde qūrylys jūmystary aiaqtalǧan soŋ, aldaǧy jyldary asfalttau jūmystary atqarylatynyn atap öttı. Sonymen bırge şaǧyn audandy sapaly internetpen qamtu üşın jyl soŋyna deiın talşyqty optika jelısımen qamtu jūmystary jürgızıletının mälım ettı. Al aialdama ornatu boiynşa salalyq basqarmaǧa zerdeleu jūmystaryn jürgızudı tapsyrdy.
Mūrat Äitenov osy jyly biudjet esebınen 3 sport alaŋşa men 1 balalar alaŋşasy salynatyn aityp, būl jūmystardyŋ barlyǧy tūrǧyndardyŋ jaily ömır süruıne jaǧdai jasau üşın jasalyp keletının aityp öttı.
Jalpy şaǧyn audanda 6800 otbasy tūrady. Eldı meken tūrǧyndary tolyǧymen auyz sumen, tabiǧi gazben jäne sapaly elektr jaryǧymen qamtylǧan. Mūndaǧy kommunaldyq mäsele kärız jüiesımen qamtu, olda biyl şeşımın tabady. Ötken jyly 6 köşe jaryqtandyrylsa, biyl 1 köşege jaryqtandyru jūmystary jürgızıledı. 7 baǧytta qoǧamdyq kölık qatynaidy.
Şymkent qalasy äkımdıgınıŋ baspasöz qyzmetı
