Elordalyq ana qyzyna qorlyq körsetken feldşerdıŋ üstınen qūzyrly organdarǧa aryz jazǧan. Sodan berı 5 ai ötkenımen, ıs ornynan qozǧalmady deidı, dep habarlaidy “Adyrna” ūlttyq portaly “Astana” arnasyna sılteme jasap.
Elordalyq ana qyzyna qorlyq körsetker feldşerdıŋ üstınen qūzyrly organdarǧa aryz jazǧan. Sodan berı 5 ai ötkenımen, ıs ornynan qozǧalmady deidı.
Elordalyq ana özın de, nauqas qyzyn da körsetkısı kelmedı. Jaǧa ūstatarlyq jaity jaiyp saldy. Aituynşa, jarymjan balasyna qala emhanasynyŋ feldşerı zorlyq körsetken. Mamandy suyq tiıp auyryp qalǧan soŋ özderı, üige şaqyrtqan eken.
“Üige Emdeu-7 emhanasynan keşkı uaqytta, jūmys uaqytynan tys feldşer keldı. Kelıp qyzyŋyzdy alyp ketemız, KT tüsıremız dedı. Maǧan barmai-aq qoiyŋyz dedı. Sosyn emhanaǧa aparyp, ony zorlaǧan. Aldymen közın bailap, ginekologiialyq kresloǧa otyrǧyzǧan. Sodan soŋ özınıŋ aram oiyn asyrǧan”, – deidı qyzdyŋ anasy.
Anasynyŋ sözıne sensek, qyzy 2-şı toptaǧy mügedek, aqyl-esı 10-15 jylǧa keş damityn körınedı. Aitqanyŋnan şyqpaityn, tūiyq mınezdı dep otyr. Jäbırlenuşı de oqiǧa turaly aityp berdı.
“Ol menı apardy. Äkelerıŋ sendermen tūrady ma dep sūrady,būryn soŋdy qarym-qatynasta tüstıŋ ba dedı. Sodan soŋ sezınıp tūrsyŋ ba dep sūrai berdı. Maǧan būl qūpiia eşkımge aituǧa bolmaidy dedı”, – deidı zardap şeguşı.
Otbasy onyŋ älı künge jūmysta jürgenın aitady. Emhana därıgerdıŋ jūmysta ekenın rastady.
“Atalmyş jaǧdaiǧa qatysty Nūr-Sūltan qalasynyŋ densaulyq saqtau basqarmasy men emhana äkımşılıgı habardar. Būl jaǧdai boiynşa tergeu jūmystary jürgızılıp jatyr, būl ıstıŋ nätijelerı tergeu jūmystary bıtken soŋ jariia etıledı. Polisiia departamentı tergeu älı de jalǧasyp jatqanyn habarlady. Tergeudıŋ ūzaqqa sozyluynyŋ sebebı saraptamalardyŋ köp boluynan dep tüsındırdı”, – deidı qalalyq densaulyq saqtau basqarmasynyŋ baspasöz qyzmetı.
Aldaǧy uaqytta şeşım şyǧarylatyn bolady deidı zaŋ organdary.
“Adyrna” ūlttyq portaly
