Elordalyq ana qyzyna qorlyq kórsetken feldsherdiń ústinen quzyrly organdarǵa aryz jazǵan. Sodan beri 5 aı ótkenimen, is ornynan qozǵalmady deıdi, dep habarlaıdy “Adyrna” ulttyq portaly “Astana” arnasyna silteme jasap.
Elordalyq ana qyzyna qorlyq kórsetker feldsherdiń ústinen quzyrly organdarǵa aryz jazǵan. Sodan beri 5 aı ótkenimen, is ornynan qozǵalmady deıdi.
Elordalyq ana ózin de, naýqas qyzyn da kórsetkisi kelmedi. Jaǵa ustatarlyq jaıty jaıyp saldy. Aıtýynsha, jarymjan balasyna qala emhanasynyń feldsheri zorlyq kórsetken. Mamandy sýyq tıip aýyryp qalǵan soń ózderi, úıge shaqyrtqan eken.
“Úıge Emdeý-7 emhanasynan keshki ýaqytta, jumys ýaqytynan tys feldsher keldi. Kelip qyzyńyzdy alyp ketemiz, KT túsiremiz dedi. Maǵan barmaı-aq qoıyńyz dedi. Sosyn emhanaǵa aparyp, ony zorlaǵan. Aldymen kózin baılap, gınekologııalyq kresloǵa otyrǵyzǵan. Sodan soń óziniń aram oıyn asyrǵan”, – deıdi qyzdyń anasy.
Anasynyń sózine sensek, qyzy 2-shi toptaǵy múgedek, aqyl-esi 10-15 jylǵa kesh damıtyn kórinedi. Aıtqanyńnan shyqpaıtyn, tuıyq minezdi dep otyr. Jábirlenýshi de oqıǵa týraly aıtyp berdi.
“Ol meni apardy. Ákeleriń sendermen turady ma dep surady,buryn sońdy qarym-qatynasta tústiń ba dedi. Sodan soń sezinip tursyń ba dep suraı berdi. Maǵan bul qupııa eshkimge aıtýǵa bolmaıdy dedi”, – deıdi zardap shegýshi.
Otbasy onyń áli kúnge jumysta júrgenin aıtady. Emhana dárigerdiń jumysta ekenin rastady.
“Atalmysh jaǵdaıǵa qatysty Nur-Sultan qalasynyń densaýlyq saqtaý basqarmasy men emhana ákimshiligi habardar. Bul jaǵdaı boıynsha tergeý jumystary júrgizilip jatyr, bul istiń nátıjeleri tergeý jumystary bitken soń jarııa etiledi. Polıııa departamenti tergeý áli de jalǵasyp jatqanyn habarlady. Tergeýdiń uzaqqa sozylýynyń sebebi saraptamalardyń kóp bolýynan dep túsindirdi”, – deıdi qalalyq densaýlyq saqtaý basqarmasynyń baspasóz qyzmeti.
Aldaǵy ýaqytta sheshim shyǵarylatyn bolady deıdi zań organdary.
“Adyrna” ulttyq portaly
