Atyrau oblysyndaǧy Teŋız kenışınde 2024 jyldyŋ soŋyna deiın 40 myŋǧa juyq jūmysşy qysqarady, dep habarlady “Adyrna” ūlttyq portaly.
“İnformbiuro” jaŋalyqtar qyzmetınıŋ aqparatynşa, sarapşylar jergılıktı bilık būl mäselenı şūǧyl şeşpese ülken äleumettık daǧdarys tuyndaidy dep dabyl qaǧyp jatyr. Al tūrǧyndardyŋ özderı äkımdık ökılderınıŋ tüitkıldı mäselenı şeşemız degenıne ülken kümänmen qaraidy.
Teŋız ken ornyndaǧy zauyt qūrylysynan 2024 jylǧa deiın 40 myŋǧa juyq jūmysşy qysqarady. Onyŋ 45 paiyzy – atyraulyqtar. Būl aqparatty jerılıktı atqaruşy organ ötken jyldyŋ soŋynda jariia etıp, jūmyssyz qalǧandardy jūmyspen qamtuǧa arnalǧan keşendı jobalarynyŋ baryn aitqan. Alaida atyraulyq qoǧam belsendılerı būl jobada eşqandai naqtylyq joq ekenın aityp otyr.
"Äkımdıktıŋ aityp otyrǧan 2021-2025 jylǧa keşendı jospary ışınde naǧyz baǧdarlamany eşkım körgen joq, bıraq men körgen baǧdarlamanyŋ bükılın qosqannyŋ özınde Atyrau oblysynda eŋ şauyp ketkende myŋ adamǧa ǧana jūmys tabylady", – deidı qoǧam belsendısı Taŋat Nūrymov.
Būl jūmyssyzdyq, aqşa joqtyq äleumettık daǧdarysqa äkelıp soqtyrady. Atyraulyqtar öŋırde qazırdıŋ özınde jūmyssyz jürgender köp dep dabyl qaǧyp otyr. Al Teŋız kenışınen myŋdaǧan adam qysqaryp qalsa, aimaqta äleumettık mäsele tıptı uşyǧady. Biylǧy bırınşı toqsannyŋ özınde ken ornynan 3 myŋǧa juyq adam qysqarady. Onyŋ 1 270-ı – atyraulyq azamattar. Qazır Atyrauda segız myŋnan astam jūmyssyz bar.
"Teŋızşevroil kompaniiasynyŋ mälımetınşe, Teŋız ken ornynan biyl 15 myŋnan astam jūmysşy qysqarady", – deidı Atyrau oblysy jūmyspen qamtu jäne äleumettık baǧdarlamalar basqarmasynyŋ basşysy Azamat Mämbetov.
“Adyrna” ūlttyq portaly
