Qytaıda ómir boıyna sottalǵan qazaqstandyq Aqjarqyn Turlybaıdyń advokaty qyzdyń anasyna jazǵan hatyn jarııalady. Bul týraly Tengrinews.kzke silteme jasap, "Adyrna" ulttyq portaly habarlaıdy.
Advokat Suńqar Nurmaǵanbetovtiń aıtýynsha, Aqjarqyn qazir Qytaıda jazasyn ótep jatyr. Onyń saýda jasaýǵa, turaqty túrde otbasyna qońyraý shalyp turýǵa, sonymen qatar hat alyp, hatqa jaýap berýge múmkindigi bar ekenin aıtty.
Zańger Aqjarqynnyń anasyna jazǵan hattarynyń birin jarııalady.
"Aıaýly anashym. Otbasymmen birge bolýdy qanshalyqty armandaıtynymdy bilseńiz ǵoı. Balalyq shaǵymdy, sizderdi qatty saǵyndym. Bilesiz be, bizdiń júregimiz bir-birimen tyǵyz baılanysty. Biz áli de jaqynbyz. Men otbasymyzdyń árbir múshesin saǵyndym jáne jaqsy kóremin. Sizden taǵy da hattar men fotolar kútemin. Súıispenshilikpen, qyzyńyz Aqjarqyn", - delingen ótken jyldyń 15 jeltoqsanyndaǵy hat mátininde.
"Adyrna" ulttyq portaly
