Aqtöbede sot qart anasyn ūryp öltırgen er adamǧa qatysty ükım şyǧardy, dep habarlaidy "Adyrna" ūlttyq portaly.
Sputnik Qazaqstan mälımdeuınşe, 51 jastaǧy Aqtöbe tūrǧyny mūndai qadamǧa 84 jastaǧy anasyna aşulanǧandyqtan barǧan. Aituynşa, äiel tösek tartyp jatqan. Sol keşte ūly anasynyŋ keşkı asyn bergen. Alaida, qart ana tamaqty tükırıp, ony jeuden bas tartady. Aşuǧa bulyqqan er adam ony basynan, betınen ūrǧanyn aitty. Bır ret keude tūsyna da jūdyryq sıltegen.
Esın jiǧan ūly jedel järdem şaqyrǧan. Soqqy ızderıne qatysty sūraqtarǧa ony bır ai būryn belgısız bıreu ūryp-soqty dep jauap beredı. Būl soqqylardan qart äiel bas-mi jaraqatyn alyp, qabyrǧasy synǧany anyqtaldy. Ol alǧan soqqydan köz jūmdy.
Äieldıŋ soqqyǧa jyǧylǧany belgılı bolǧan soŋ, ūlyna qatysty qylmystyq ıs qozǧaldy. Sotta er adam anasymen qarym-qatynasy bala kezden kürdelı bolǧanyn aitty. Onyŋ aituynşa, ol anasymen tüsınıse almaǧandyqtan, üiden jiı qaşyp ketetın.
- Sol keşte anamnyŋ tamaqty tükırıp tastaǧany aşuymdy keltırdı. Ol däretın de astyna jıberıp qoiatyn. Ony qanşa ret ūrǧanym esımde joq. Keiın jedel järdem şaqyrdym. Men ony öltırgım kelmegen. Bärı aiaq astynan boldy, – dedı ol.Sot ony kınälı dep tanyp, 8 jylǧa bas bostandyǧynan aiyrdy.
"Adyrna" ūlttyq portaly
