Eks-senator, ekonomist Uälihan Qaisarov sūhbat berıp, Qazaqstannyŋ ekonomikalyq äleuetı jaiynda pıkır bıldırdı, dep habarlaidy Orda.kz.
Nesie turaly aitqan ekonomist «bankrot» dep tanylǧan halyqqa qarsy qandai qylmystyq ıs qozǧaluy mümkın ekenın aityp berdı.
– Jeke tūlǧa bankrot ekenın, nesie tölei almaitynyn aitsa, oǧan bankrottyq prosedurasyn engızuge bolady. Ol adam keibır şekteulerge tap bolady, 3 jyl şekaradan asuǧa bolmaidy. 5 jyl ışınde eşbır nesie aluǧa bolmaidy. Bıreuge kepıl bola almaidy, kepıldık bere almaidy. Bes jyl ışınde ol adamnyŋ äl-auqaty jaqsarsa, bereşektı qaitaruǧa mındettı bolady. 5 jyldan keiın baryp jaǧdaiy jaqsarsa, eşteŋe qaitarmaidy, – dep tüsındırdı ekonomist.Jurnalist «halyqtyŋ barlyq nesiesın keşıre salsa bola ma?» dep sūrady.
– Halyqtyŋ nesiesın ekonomikalyq tūrǧydan keşıruge bolady. Bıraq ekonomist retınde dūrys dep eseptemeimın. Maŋdai termen tapqan aqşasyn tölep, qūtylǧandar bar. 12 paiyz adam tölei almai jür, 88 paiyz adam nesiesın tölep jür. Sonda tölei almai jürgen adamdardyŋ bereşekterı keşırılse, tölegen adamdar «beker tölegen ekenbız ǧoi» dep ökınedı, – dep tüsındırdı Qaisarov.
”Adyrna” ūlttyq portaly
