Nursat shaǵyn aýdanynda ornalasqan «Jas-Daryn-5» atty 300 oryndyq jekemenshik mekteptiń qurylysymen tanysý barysynda qala ákimi Murat Áıtenov mektep ashý jaı ǵana ǵımarat salýmen shektelmeıtinin, ol úlken jaýapkershilik júkteıtinin jetkizdi.
«Balaǵa bilim men tárbıe berý ol úlken jaýapkershilik. Sizder sol jaýapkershilikti sezinip, sapaly bilim berý isin joǵary deńgeıde uıymdastyryp, orta bilim berý júıesinde negizgi tásilderdiń oryndalýyna basa nazar aýdarý kereksizder. Eń aldymen materıaldyq-tehnıkalyq bazamen jabdyqtalýyn jáne mektepterdiń dızaıny men ishki árleý jumystaryna basa mán berińizder»,-dedi qala basshysy.
Qurylysy ótken jyly bastalǵan nysan jańa oqý jylynda paıdalanýǵa beriledi. Jan basyna qarjylandyrý júıesi boıynsha qyzmet atqarady. Iaǵnı, memleket ár oqýshy úshin qarjy tóleıtin bolady.
Mektepte balalardyń bilim alýyna barlyq jaǵdaıdyń jasalýy boıynsha ákim ınvestorǵa birqatar usynystar aıtty.
Shymkent qalasy ákimdiginiń baspasóz qyzmeti
