Májilis depýtaty Aıdos Sarym óziniń áriptesi, Májilis depýtaty hám eks-prezıdent Nursultan Nazarbaevtyń úlken qyzy Darıǵa Nazarbaevanyń ornyn bosatyp, otstavkaǵa ketýin talap etipti.
«Qalyptasqan ahýaldy eskere otyryp, eń aldymen osy eldiń azamaty retinde ol óz erkimen otstavkaǵa ketýi tıis. Nazarbaeva «Jańa Qazaqstan» tobynyń quramyna kirgen joq. Qazaqstanda qalyptasqan avtorıtarly júıeni Nazarbaevanyń aty-jónimen baılanystyrady. Kúni keshegi oqıǵalar da osy júıege degen qarsylyqtan týyndady», – deıdi Sarym.
Májilismenniń pikirinshe eks-prezıdenttiń qyzy el aldynda senim votýmyn joǵaltqan. Darıǵa Nazarbaeva qańtar oqıǵasy bastalǵaly beri Májiliske kelgen joq. Resmı aqparat boıynsha ol koronavırýs juqtyryp, tósek tartyp jatyr. Beıresmı málimet boıynsha Nazarbaev qańtar dúrbeleńi bastalǵan tusta Dýbaıǵa ushyp ketken.
"Adyrna" ulttyq portaly
