Bıyl Ult ustazy A.Baıtursynulynyń 150 jyldyǵy respýblıka kóleminde atalyp ótilýde.
Búgin Shymkent qalalyq qýyrshaq jáne jasóspirimder teatrynyń @kuyrshak.shymkent uıymdastyrýmen «Shymkent Plaza» oıynsaýyq ortalyǵynda «Qyryq mysal-qyryq maqal» kóshpeli ádebı til kerýeni ótti.
Eski maqal-mátelder-tarıh qatparynda jatqan kóneniń kózi, halyqtyń kórkem oıyn aıshyqtaıtyn folklor. Búginge deıin sol eski maqal-mátelderdiń, jańyltpashtardyń bir bóligi qaz qalpynda jetse, endi biri kúńgirttenip umyt qalǵandaı. Osy oraıda, is-sharada ǵasyrlardan ekshelip jetken tereń mazmundy, taqyryp aıasy keń sóz máıegi - maqal-mátel men jas urpaqtyń tilin ustartyp, ártúrli sózdi shapshań aıtýǵa úıretý maqsatynda jańyltpash jarysy uıymdastyryldy.
"Adyrna" ulttyq portaly