Almaty oblysyndaǵy tas joldarda byltyr 824 kólik apaty oryn alyp, 264 adam kóz jumǵan. Taǵy 1300-ge jýyq jolaýshy túrli jaraqat aldy. Osy oqys oqıǵalardy saralaǵan mamandar jol apatyna kóbinese 25-35 jas aralyǵyndaǵy azamattardyń kóp ushyraıtynyn anyqtapty.
Kólik apaty kóp jaǵdaıda jyldamdyqty shamadan tys asyryp, ara qashyqtyq saqtamaıtyn júrgizýshilerdiń kesirinen bolady eken. Ásirese qys mezgilinde apattar jıileıdi. Sondyqtan jolǵa jaýapty mamandar aq qar, kók muzda jolaýshylardyń qaýipsizdigin qamtamsyz etý úshin respýblıkalyq mańyzy bar joldardy kúni-túni baqylaýǵa aldy. Iaǵnı, «QazAvtoJol» mekemesi jylytylatyn jyljymaly úsh vagon daıyndady. Bul qozǵalmaly beket aýa-raıynyń qolaısyzdyǵynan joldar jabylǵan sátte, jolaýshylardy qutqarýǵa, jylytýǵa arnalǵan. Sondaı-aq taıǵaqta sebiletin 88 tekshe metr ınertti materıal jáne 86 tonna tuz-qum qospasy daıyndalǵan. Budan bólek oblystaǵy eń qaýipti sanalatyn Kegen, Arqarly, Altyn-Emel, Alasa asýlaryna muzǵa qarsy qospalar jetkizildi. Qys mezigilinde joldardyń talapqa saı bolýyn «Jol aktıvteri ulttyq sapa ortalyǵynyń» Almaty oblystyq fılıaly jiti baqylaýyna alǵan. Jeltoqsan aıynan beri jolǵa jaýapty mamandar 20 márte tekseris uıymdastyryp, muzǵa qarsy qospalardyń sapasyn zerttedi. Aıta keteıik tek sońǵy bir aıdyń ózinde respýblıkalyq mańyzy bar joldar aýa-raıynyń qolaısyzdyǵyna baılanysty 12 márte jabyldy.
"Adyrna" ulttyq portaly
