Bügın Şymkent qalasynyŋ äkımı Mūrat Äitenov Otyrar jäne «Aiqap Türkıstan» şaǧyn audandaryndaǧy atqarylǧan jūmystardy körıp, tūrǧyndarymen kezdestı.
10 myŋǧa juyq tūrǧyny bar atalǧan şaǧyn audandar elektr, tabiǧi gaz, auyz sumen tolyq qamtamasyz etılgen. Tek «Aiqap Türkıstan» şaǧyn audanyndaǧy kärız jüiesı 50 paiyzdyq körsetkışte. Būl şaǧyn audandaǧy tūrǧyndardyŋ basym bölıgı jeke sektorda tūrady. Köşelerınıŋ 98 paiyzy asfalttalǧan. Biyl Köktas köşesı jaryqtandyrylatyn bolsa, Jaŋaǧasyr, Köktem, Zaman köşelerın jaryqtandyruǧa ūsynys berıldı. Äkımmen kezdesuge kelgen jergılıktı tūrǧyndar kärız jüiesın tolyǧymen şeşıp berudı sūrady.
Al, Otyrar şaǧyn audanynyŋ tūrǧyndaryn aiaqjol, tazalyq, köp qabatty üilerdıŋ syrtyn ärleu, lift, jylu jüiesı mäselesı tolǧandyrady. Mūndaǧy 33 köp qabatty üi tolyǧymen jaŋa basqaru nysanyna ötken.
Qala äkımı jai serıktestık pen üi bırlestıkterın qūrudyŋ maŋyzdylyǧyn tüsındırıp, jöndeu jūmystary, auladaǧy jäne üidıŋ kıreberıs tazalyǧyn öz jauapkerşılıkterıne alu kerektıgın jetkızdı. Jolauşylar kölıgı jäne avtomobil joldary basqarmasynyŋ basşysyna Jänıbekov köşesıne qoǧamdyq kölık qatynauyn jäne aiaqjol salu boiynşa zerdeleu jūmystaryn jürgızıp, ūsynys engızudı tapsyrdy. Özge de mäselelerdı talqylap, qajettı şaralar jasalatynyn jetkızdı.
Şymkent qalasy äkımdıgınıŋ baspasöz qyzmetı
