Reseidıŋ Syrtqy barlau qyzmetınde (SVR) Qazaqstanda qaŋtardaǧy oqiǧaǧa daiyndyq turaly aqparat bolǧan.
Būl turaly Syrtqy barlau qyzmetınıŋ basşysy Sergei Naryşkin «Moskovskii komsomoles» gazetıne bergen sūhbatynda aitty, dep habarlaidy Orda.kz saityna “Adyrna” ūlttyq portaly sılteme jasap.
«Ärine boldy. Bırınşıden, Siriiada talqandalǧan DAİŞ bandylarynyŋ sodyrlary jäne basqa da laŋkestık toptardyŋ Ortalyq Aziia memleketterıne qol sozǧany turaly. Būl bız üşın de, osy memleketterdıŋ arnaiy qyzmetterı üşın de qūpiia emes edı. Mūndai qozǧalystyŋ kımnıŋ qamqorlyǧymen bolǧany da belgılı boldy. Būǧan aimaqtyŋ barlyq memleketterı alaŋdauşylyq bıldırdı. Bız būl aqparatty Qazaqstandaǧy jäne ŪQŞŪ-ǧa müşe basqa memleketterdegı ärıptestermen bölıstık» dedı Naryşkin.
Onyŋ aituynşa, Qazaqstandaǧy oqiǧalar destruktivtı saiasi küşterdıŋ ekonomikalyq ūrandarmen beibıt narazylyq aksiialaryn qalai tez jäne josparly türde paidalanyp, ärtürlı «türlı-tüstı revoliusiialar» jasauǧa tyrysatynyn anyq körsettı.
«Būl küşter barlyq baǧyttaǧy sodyrlardy qoldanudan bas tartpaidy. Olardyŋ basşylyǧy 2014 jyly Ukrainada anyq körsetılgen ışkı saiasi jaǧdaidy şaiqaudyŋ standartty shemalary boiynşa jüzege asyrylady» dedı RF Syrtqy barlau qyzmetınıŋ basşysy.
Onyŋ paiymdauynşa, ŪQŞŪ-ǧa müşe memleketterdıŋ ıs-äreketı jedel jäne jauapty şeşımderdıŋ qalai qabyldanatynyn körsettı.
«Ekstremistık jäne laŋkestık toptar men ūiymdar tarapynan qauıp seiılgen joq. Sodyrlar men olardyŋ jetekşılerınıŋ bai täjıribesı bar, qarjy jäne qaru-jaraqpen qamtamasyz etu jalǧasuda. Sondyqtan aimaqtaǧy jaǧdaidy tūraqty baqylau jäne laŋkestık qauıpke qarsy tūru üşın tartylǧan memleketterdıŋ arnaiy qyzmetterınıŋ bırlesken tynymsyz küş-jıgerı qajet» dedı Naryşkin.
“Adyrna” ūlttyq portaly
