Qaqaǧan qysta balalaryn velosipedpen tasyǧan äkenıŋ beinejazbasy barşa qazaqtyŋ jüregın eljıretken edı. Bloger Asylhan Dükenbaevtyŋ bastamasymen būl azamatqa kölık alyp beruge qarajat jinala bastady, dep habarlaidy “Adyrna” ūlttyq portaly.
Äleumettık jelılerde taralǧan beinejazbadan keiın esımın atamaǧan Şymkenttık azamat öz atynan kölık syilaǧysy kelgenı de belgılı boldy.
Bıraq qyzylordalyq äkei būl syilyqtan bas tartty.
“Jūrt niet etıp, jinaǧan aqşadan bır kölık būiyrtsa jetkılıktı”, dedı özı.
"Şymkenttık bır bauyrymyz kölık syilaimyn dep niet qylyp jatyr eken. Bauyryma rahmet, Alla razy bolsyn. Sol kölık özınde qala berse, mıngızgendei köremın. Köpşılıktıŋ jinaǧan kömegı aqşasyna tüsken kölıktıŋ yŋǧaiy bolsa, sony üi alǧandai köremın", - dedı ol.
Kölıkten bölek, baspana äpergısı kelgen halyqtyŋ būl aq adal nietıne qyzylordalyq tūrǧyn öz raqmetın aityp, qazırgı tūryp jatqan baspanasynyŋ tegın ekenın, şükırlık etetının jetkızdı.
“Barlyqtaryŋyzǧa rahmet. Aǧaiyn, şeşem, bauyrlarym, kelınşegım, özım bar. Osy üi mäselesın tek rahmetpen doǧaru jönınde şeşım qabyldap otyrmyz. Taqyryp kölıkten bastalyp edı ǧoi. Jinalǧan qarajatpen bır kölık būiyrtsyn. Osymen jabylsa degen oi bar. Tūryp jatqan baspanam, Allaǧa şükır tegın. Şeşemnıŋ sözı men üşın ülken närse ǧoi, ol kısınıŋ sözınen attap kete almaimyn", - dep tüsındırdı ol.
“Adyrna” ūlttyq portaly
