Zaŋsyzdyqqa jol bergen Erlan Tūrǧymbaev otstavkaǧa ketuı tiıs!
Qaŋtar oqiǧasynda köpşılık halyq köşege ädıldık sūrap şyqty. Olardyŋ narazy köŋılın bilık ışındegı eŋ yqpaldy klan öz müddelerıne paidalanyp, arandatuşylyq ärekettı ädeiı ūiymdastyrdy.
Banditter men keibır radikaldy toptardy qoldandy. Bıraq olardyŋ sany narazylyq tanytyp, köşege şyqqan beibıt halyqtan älde qaida az.
Qaŋtar oqiǧasynyŋ negızgı sebebı terrorister emes, 30 jyldyq sıresken jüieden şarşaǧan halyqtyŋ ädıldık sūrap şyqqan narazy köŋılı. Bilık osynyŋ ara-jıgın ajaratyp aituy kerek.
Mitinge qatysqandardy türmede ūryp, soǧyp, jantürşıgerlık täseldermen azaptaǧan polisiia qyzmetkerlerın tūtqyndap, qylmystyq jauapqa tartu kerek.
Azaptauǧa, türlı zaŋsyzdyqtarǧa jol bergen IIM ministrı Erlan Tūrǧynbaev otstavkaǧa ketuı tiıs.
06.01.2022 jyly keşkı uaqytta “qarapaiym halyq terrorist emespız” degen ülken jazumen alaŋda tūǧan beibıt halyqqa eskertusız oq atyldy degen şaǧymdardy, dälelderdı jıtı tekseru qajet.
Däleldengen jaǧdaida beibıt halyqqa oq atqandardyŋ qylmystyq jauapqa tartyluy kerek. Sondai-aq, 07.01, 08.01.2022 öltırılgenderdıŋ qandai jaǧdaida, kımnıŋ qolynan qaza tapqandaryn anyqtau kerek.
Auyr qylmysqa qatysy joq mitingıge qatysqandardyŋ bärın tügeldei bostandyqqa şyǧaru kerek.
Qairat JOLDYBAIŪLY
