Almaty äkımı Dosaev “Qaŋtar qasıretınde” qaza tapqandarǧa qūran baǧyştap, qūrban şaldy

5677
Adyrna.kz Telegram
https://adyrna.kz/content/uploads/2022/02/a19737528aa04bd49dc2e9ba05ccbac2.jpeg
Almaty qalasynyŋ äkımı Erbolat Dosaev Almatynyŋ Ortalyq meşıtınde "Qasırettı qaŋtar" oqiǧasy kezınde qaitys bolǧan azamattardyŋ 40 kündıgıne orai olardyŋ ruhyna qūran baǧyştap, qūrbandyq şaldy. Būl turaly Mäjılıs deputaty, aqyn Janarbek Äşımjan öz Facebook paraqşasynda mälımdedı, dep habarlaidy "Adyrna" ūlttyq portaly.
"Bügın taŋǧy saǧat 8-de Alataudyŋ basyn mūnar, bauyryn ört şalǧan osy qasırettı oqiǧanyŋ Qyryq kündıgıne bailanysty Almaty qalasyndaǧy Ortalyq meşıtte äruaqtarǧa baǧyştap Qūran oqylyp, eldıŋ erteŋı üşın tılek tılep, Jaratqanǧa salauat aitylypty. Şahardyŋ jaŋa basşysy Erbolat Dosaev Qyryq kündıkke arnap äruaqtardyŋ ruhyna Qūran baǧyştap, tırılerdıŋ tırşılıgı üşın qūrban şalypty, niet qabyl bolsyn! Sūraǧan tılekter men köterılgen bılekterge el Aǧalary, körnektı tūlǧalar - Nūrlan Orazalin, Smaǧūl Elubai, Rahman Alşanov bata berıptı. Älgınde Almatydaǧy ardaqty aǧamyz Nūrlan Myrqasymūlyna habarlasyp, amandasqanda osyndai imandylyqtyŋ ızgı amaldary jasalǧanyn aitty. "Qūdaisyz qurai synbaidy" deidı. Qiyn uaqytta qala basşylyǧyna kelgen Azamattyŋ elge köŋıl-qoş bıldırıp, aruaqtarǧa taǧzym jasaǧany ǧoi" dedı. Jappar İemız el-halyqtyŋ, täspı tartqan taqualardyŋ tılek-nietterın qabyl qylǧai! Azattyqtyŋ besıgı sanalǧan aŋyz, abyz Almatymyzdyŋ jaŋǧyrǧan, tülegen sätterıne kuä qylsyn, Jaratqan!", - dep jazdy Janarbek Äşımjan.
Aita ketsek, bügın taŋerteŋ Memleket basşysy Qasym-Jomart Toqaev Hazıret Sūltan meşıtıne baryp, qaŋtar oqiǧalary kezınde qaitys bolǧan azamattardyŋ ruhyna qūran baǧyştau räsımıne qatysyp, halyqqa ündeu joldaǧan bolatyn.

"Adyrna" ūlttyq portaly

Pıkırler