Biyl qaŋtar aiynda Almatydaǧy polisiiada azaptalǧanyn mälımdegen tanymal qyrǧyz muzykandy Vikram Ruzahunov 14 aqpanda videoündeu jariialady. Äleumettık jelılerde taralǧan videoda ol ädılet üşın küresetının aitty, dep habarlaidy Ortalyq Aziianyŋ jaŋalyqtar qyzmetı. Būl turaly "Adyrna" ūlttyq portaly ulysmedia.kz-sılteme jasap jazady.
"Ūzaq oilandym. Muzyka men käsıpke eşteŋe bolmaǧandai orala almaitynymdy tüsındım. TMD elderındegı demokratiiany damytuǧa, adam qūqyqtaryna qatysty jaǧdaidy jaqsartuǧa üles qosqym keledı", - dedı ol.Ruzahunovqa qyrǧyz zaŋgerlerı kömektesedı. Muzykanttyŋ äzırge naqty qai organǧa aryzdanatyny belgısız. 10 aqpanda ol Qazaqstandaǧy polisiia küşterı ony azaptaǧanyn aitqan.
Ruzahunovtyŋ mälımdeuınşe, ol byltyr jeltoqsannyŋ aiaǧynda Almatyǧa kelıp, 7 qaŋtarda elıne qaityp bara jatqan uaqytta ūstalǧan. Onyŋ qūjattaryn, bank kartalaryn, aqşasyn tartyp alǧan. Üş kün qamauda bolǧan qyrǧyz muzykanty 10 qaŋtarda Qyrǧyzstanǧa qaitaryldy. Bet-auzy kögergen, miy şaiqalǧan, qabyrǧalary synǧan Ruzahunov Bışkekke jetken bette auruhanaǧa tüstı.Qazaqstandaǧy qaŋtar oqiǧasy kezınde ekı qyrǧyz azamaty qaza tapqany mälım boldy. Onǧa juyq qyrǧyzstandyq qamaudan bosatyldy. Mälımetterge qaraǧanda, qaŋtar oqiǧasyna bailanysty ūstalǧan bır qyrǧyz azamaty Taraz qalasynda qamauda otyr.
"Adyrna" ūlttyq portaly
