Belgılı aqyn Svetqali Nūrjan QasqaJol jobasyna sūhbat berıp, köptegen mäseleler jönınde oi tolǧady. Sūhbattan Nūrsūltan Nazarbaev turaly, Qasym-Jomart Toqaev turaly, İmanǧali Tasmaǧambetov pen Äbış Kekılbaev turaly bırqatar pıkırlerdı baiqauǧa bolady, dep habarlaidy “Adyrna” ūlttyq portaly Orda.kz saityna sılteme jasap.
Svetqali Nūrjan İmanǧali Tasmaǧambetovtyŋ anasynyŋ qyrqynda İmanǧali Nūrǧaliūlynan saiasattan der şaǧynda nege ketkenın sūraǧanyn aitady. Sonda Tasmaǧambetov «Ekı bilık otqanda üşınşı bolyp nesıne aralasamyn» dep jauap berıptı.– 1996 jyly Şaiyr degen jerde Äbış Kekılbaev aǧamyz bar, kezdesu öttı. Nūrjıgıt Aryqbaev degen aqsaqal «Äbış, şyraǧym, sen basqaryp otyrǧan Parlament oily, mily jūmys jasap otyr edı. Ne üşın taratty, ne jazyp qoidyŋdar?» dep sūrady. Közım tırı men kuämın, basqa da kuälar bar. Sonda Äbış aǧamyz «Bızdıŋ elge biyl öte köp kölemde investisiia qūiylady. Sonyŋ kırıs-şyǧys esebın Parlamentke berudı sūradyq. Ony bız qaramasaq, ölıp-talyp jetken Täuelsızdıgımızdıŋ tamyryna özımız qūrt bolyp tüsemız. Jazyǧymyz – osy» dep jauap berdı. Basynan demokratiialyq qūndylyqtar tılde ǧana. Sol jyly būnyŋ milliard dollary bar ekenı anyqtalǧan. Ülken aiǧai boldy. Halyqtyŋ aldyna özın aqtatu üşın İmanǧali Tasmaǧambetovty şyǧardy. Būdan da basqa, mysaly, jer mäselesı siiaqty şuly jerlerge Tasmaǧambetovty laqtyryp otyru ädetı edı. Tasmaǧambetov oǧan adal boldy. sol adaldyǧynan mūnyŋ «boǧyna» batuyna tura keldı, – dedı aqyn.
“Adyrna” ūlttyq portaly
