Bügın Şymkent qalasynyŋ äkımı Mūrat Äitenov Sairam tūrǧyn alabynyŋ Tassai bölımşesınıŋ infraqūrylym jüielerı boiynşa atqarylǧan jūmystarmen tanysyp, halqymen kezdestı.
Kommunaldyq infraqūrylymy tolyq şeşılmegen eldı meken tūrǧyndary sapaly elektr jaryǧymen tolyq qamtylǧan. Bügınde auyz su kestemen berıletın Tassaiǧa keregı tūraqty jäne sapaly auyz su, köşelerge asfalt jol jäne tabiǧi gazǧa qosylu.
Jergılıktı tūrǧyndardyŋ ötınışın tyŋdaǧan qala basşysy aumaqtaǧy tūrǧyn üilerge tabiǧi gaz jüielerınıŋ tolyq jürgızılgenın, AGRS-3 nysany köktemde ıske qosylǧanda kögıldır otynǧa qosu jūmystary bastalatynyn,
aldaǧy ekı jylda megapoliste auyz su mäselesı şeşıletının jetkızdı.
«Özderıŋız bılesızder, Memleket basşysy Qasym-Jomart Toqaev Ükımet pen jergılıktı äkımdıkterge halyqty auyz sumen qamtamasyz etu jönınde naqty mındet jüktedı. Qazır Şymkenttegı 81 eldı mekennıŋ 78-ınde sapaly auyz su mäselesı şeşılgen. Qalǧan üş eldı mekende auyz su keste boiynşa berude. 2022 jyldyŋ soŋyna deiın auyz sumen qamtu körsetkışı 99 paiyzǧa jetkızu közdep otyrmyz. Ol üşın biyl taǧy 1 magistraldy su qūbyry jäne 1 eldı mekennıŋ ışkı su jüielerınıŋ qūrylysy aiaqtalady. Al, 2023 jyldyŋ soŋyna qarai şymkenttıkter täulık boiy üzdıksız berıletın sapaly auyz sumen 100 paiyzǧa qamtylady»,-dedı äkım.Köşelerge asfalt jol salu boiynşa qalalyq jolauşylar kölıgı jäne avtomobil joldary basqarmasyna naqty tapsyrmalar jüktedı. 2 553 halqy bar būl eldı mekende 1 mektep, 1 balabaqşa, 1 ambulatoriia jäne 7 käsıporyn bar. Ötken jyly sport jäne oiyn alaŋşasy salynǧan bolsa, biyl osy baǧyttaǧy jūmystardy jalǧastyru maqsatynda jer telımderın räsımdeu jūmystary jürgızılude. Söz soŋynda äkım tūrǧyndardy alaŋdatqan saualdardyŋ jıtı zerdelenetının aityp, eldımekennıŋ damuyna atsalysyp jürgen belsendı azamattarǧa alǧysyn jetkızdı.
