Qyrǵyzstanda medıına mamandaryn daıarlaıtyn 17 jeke oqý orny jabylady. Bul jóninde Azattyqtyń Qyrǵyz qyzmetine densaýlyq saqtaý mınıstri Álimqadir Beıshenalıev habarlady, “Adyrna” ulttyq portaly Azattyq radıosyna silteme jasap.
Ol árbir oqý ornynyń qyzmetin teksergenin jáne tek talaptarǵa sáıkes bilim mekemeleri ǵana jumys isteıtinin atap ótti.
Mınıstrdiń sózine qaraǵanda, jeke oqý orny ıeleriniń arasynda "olıgarhtar, depýtattar men burynǵy premer-mınıstrler" bar.
"Qazir bul bızneske aınalyp ketti. Múmkindigi bar adamdar ınstıtýttar men ýnıversıtetter ashyp alǵan. Ol jaqqa aqsha kóp túsedi. Biraq bilim sapasy nashar. Bizdi 10-15 jyldan soń kimder emdeıdi, sol jóninde oılaýymyz kerek. Bilim almaı, áıteýir joǵary oqý ornyn bitirgen dárigerler bolashaqta eldiń genofondyna orasan zııan tıgizedi" dedi mınıstr.
Beıshenalıevtiń sózine qaraǵanda, elde medıına mamandaryn daıyndaıtyn úsh memlekettik joǵary oqý orny bar: medıına akademııasy, Osh memlekettik ýnıversıteti jáne qyrǵyz-orys slavıan ýnıversıteti. Qalǵany – jekemenshik oqý oryndary.
Mınıstrdiń aıtýynsha, keıbir jekemenshik oqý oryndarynyń qyzmeti talapqa saı, sondyqtan olar jabylmaıdy. Ol sonymen birge jabylatyn oqý oryndarynyń stýdentteri sertıfıkaııadan ótken ózge oqý oryndaryna aýystyrylatynyn aıtty.
Eldegi medıına fakýltetterin teksergen Qyrǵyzstan prezıdenti janyndaǵy Jemqorlyqpen kúres iskerlik keńesi byltyr qyrkúıekte qorytyndy esep jarııalaǵan. Atalǵan mekeme oqý oryndarynyń basym bóliginde mamandardy kásibı daıarlaý úlken másele ekenin jáne mundaı jaǵdaıǵa negizinen maman daıarlaý isinde birizdiliktiń joqtyǵy áser etip otyrǵanyn alǵa tartqan.
Izinshe mınıstrler kabıneti joǵary medıınalyq bilim berý baǵdarlamasy boıynsha lıenzııa berýge ýaqytsha moratorıı engizdi. Shekteý 2022 jyldyń 1 qańtarynan bastap 2023 jyldyń 1 qańtaryna deıin kúshinde bolady. Mınıstrler kabıneti "bul joǵary oqý oryndarynda bilikti medıına mamandaryn ázirleý úshin" jasalyp otyrǵanyn aıtqan.
“Adyrna” ulttyq portaly
