Belgili jýrnalıst, qoǵam belsendisi Toqtar Jaqash óziniń Facebook-tegi paraqshasynda «Áleýmettik jelide qym-qıǵash, qyzyl-qyrǵyn mahabbat bolyp jatyr. Oınastyń esebi joq» dep aıtqan Muhamedjan Tazabekke shúılikti dep habarlaıdy "Adyrna" saıty turkystan.kz-ke siltep.
«Satqyn emes qazaq mıllıonnan bireý!» deıdi. Sosyn, áleýmettik jelide «qyp-qyzyl mahabbat, oınas jasap jatyr» deıdi. Bul nege barlyq nárseni tósekpen, sekspen salystyrady da otyrady? Ne ádet?» – dep jazdy ol.
Eske salsaq, Muhamedjan Tazabek «Talim.tv» baǵdarlamasyna bergen suhbatynda:
«Satqyndyq deıtin nárse bar. Satqyn emes qazaq mıllıonnan bireý shyǵar. Nege, sebebi, bireý áıelin, endi bireýi kúıeýin satyp júr. Áleýmettik jelide qym-qıǵash, qyzyl-qyrǵyn mahabbat bolyp jatyr. Oınastyń esebi joq. Kúıeýine aıta almaıtyn qanshama áıeldiń syry bar, áıelinen jasyryp júrgen qanshama erkektiń jyry bar. Eger, osynyń bárin biz satqyndyq dep esepteıtin bolsaq, qoǵamda satqyndyqtan aman adam joq. Sol sebepten men bas salyp bireýdi aıyptap nemese oǵan «satqyn» ol dep úkim taǵa almaımyn. Sebebi, ózim sodan taıaq jep júrgen adammyn», – degen bolatyn.
