Qazaqstan mūsylmandary dıni basqarmasynyŋ baspasöz qyzmetı adyrna.kz saitynda Tūrarbek Qūsaiynovtyŋ jariialaǧan «Bas müftidı destruktivtı aǧym ökılderı qaumalap aldy» atty maqalasyna qatysty kelesıdei mälımdeidı:
Bırınşıden, avtordyŋ: «Dınbasynyŋ ainalasy destruktivtı kümändı adamdarǧa tolyp kettı» degen sözı eşqandai şyndyqqa janaspaidy. Būl – Qazaqstan mūsylmandary dıni basqarmasyna jäne barşa dın qyzmetkerıne jabylǧan jala. Osyǧan deiın Dıni basqarma qyzmetkerıne, onyŋ dıni senımı men közqarasyna qatysty mäsele bolmaǧan. QMDB janyndaǧy Saraptau komissiiasynyŋ baǧalau synynan ötken tūlǧalar ǧana qyzmetke qabyldanady.
Ekınşıden, meşıttıŋ sadaqa jäşıgıne tüsetın qarajattyŋ esep-qisabyn bır adam jürgızbeidı. Meşıtke tüsken qarjyny jūmsau jäne qadaǧalau jūmysyn QMDB jäne meşıt janynan qūrylǧan arnaiy komissiia müşelerı jürgızedı. Al QMDB janyndaǧy Tekseru komissiiasy dıni saladaǧy qarjylyq aşyqtyqty qamtamasyz etedı. Elordada 2020 jyldyŋ 7 aqpanynda ötken Qazaqstan mūsylmandarynyŋ kezekten tys IH qūryltaiynda delegettardyŋ dauys beruımen Tekseru komissiiasy bekıtılgen bolatyn. Komissiia mındetı – dıni saladaǧy qarjy aşyqtyǧyn qadaǧalap, esep-qisap jūmystaryna monitoring jasau.
Üşınşıden, avtor: «2017-2019 jyldary astanadaǧy «Äzıret Sūltan» meşıtınde naib imam bolyp jürgen Nūrlan Ramazanov özı sekıldı naib imam Marat Bektazinovtyŋ meşıtke şeşıp qoiǧan su jaŋa aiaq kiımın ūrlaimyn dep masqarasy şyqqan» dep jazady. Būl da şyndyqqa janaspaidy. İmamdar arasynda mūndai «ūrlyq oqiǧasy» bolmaǧan jäne maqalada aty atalǧan azamattar būl aqparattyŋ jalǧan ekenın jariialady.
Törtınşıden, avtor öz maqalasynda QMDB-nyŋ bır qyzmetkerın Saud Arabiiasynda oqyǧanyn aita kele, onyŋ dıni senımıne kümän keltıredı. Dıni basqarmaǧa qyzmetke qabyldanatyn tūlǧalardyŋ dıni senımıne aldyn ala jan-jaqty taldau jūmystary jürgızıletının jäne Saraptau komissiiasynyŋ oŋ qorytyndysyn alǧan azamattar ǧana Bas müfti būiryǧyna ūsynylatynyn jetkızemız.
Maqalada jazylǧan jalǧan aqparattar men Dıni basqarma, dın qyzmetkerınıŋ bedelıne nūqsan keltırılgen mälımetterdı terıske şyǧarudy talap etemız jäne būl ıstı avtordyŋ ary men namysyna qaldyramyz...
Qazaqstan mūsylmandary dıni basqarmasynyŋ
baspasöz qyzmetı
Ūqsas jaŋalyqtar
