Berık Qaniev Qazaqstan futbolyn FİFA reitingınde joǧary pozisiiaǧa qalai şyǧaruǧa niettı ekenın aityp berdı.
Futboldy damytu, sport infraqūrylymyna reviziia jürgızu, kadrlardy daiyndau jüiesın jetıldıru jäne sybailas jemqorlyqty joiu – Qazaqstan futbol federasiiasynyŋ prezidenttıgıne ümıtker Berık Qaniev Almatyda özınıŋ sailau aldyndaǧy baǧdarlamasyn tanystyrdy, dep habarlaidy Adyrna.kz
«Jas Qyran» balalar men jasöspırımder futbol ligasy ūiymdastyruşysynyŋ aituynşa, onyŋ mındetı – sporttyŋ osy türın elımızde tanymal etu jäne damyta tüsu.
«Bızdıŋ maqsatymyz – futboldy köpşılıkke tanymal etu arqyly FİFA reitingınde joǧary pozisiiaǧa qol jetkızu. Bız būqaralyq futboldyŋ, balalar men jasöspırımder futbolynyŋ, futbol ortalyqtarynyŋ, ūlttyq qūramalar institutynyŋ, käsıbi klubtar men ligalardyŋ dūrys piramidasyn qūrǧymyz keledı», - dedı Berık Qaniev.
Qūjat 11 tarmaqtan tūrady jäne Qazaqstandaǧy qazırgı futbol mäselelerın tolyq qamtidy. Berık Qaniev brifingte mälımdegenındei, futboldy damytu – onyŋ üirenşıktı ısı jäne onyŋ osy salada jürgenıne 20 jyldan astam uaqyt boldy.
QFF prezidenttıgıne ümıtkerdıŋ pıkırınşe, būqaralyq futboldy damytudaǧy jaŋa serpın sporttyŋ osy türımen belsendı ainalysatyn jastardyŋ ülesın ekı ese arttyruǧa septıgın tigızedı. Būl üşın Berık Qaniev futbol infraqūrylymyn «adymdyq qoljetımdılıkte» örkendetudı, sonymen qatar äuesqoilar ligasyn – balalar, mekteptık, studenttık, ardagerler jäne korporativtık ligalardy damytudy közdep otyr. Ol, sondai-aq, äielder futboly men futzaldy jetıldırudı niet etude. Sonymen qatar QFF prezidenttıgıne ümıtker Berık Qaniev «Bylǧary dop» balalar komandalarynyŋ respublikalyq turnirın jandandyrudy josparlap otyr.
Berık Qaniev baǧdarlamasyndaǧy basymdyq – balalar men jasöspırımder futbolyn damytu, būl 5 jastan 17 jasqa deiıngı futbolmen jüielı türde ainalysatyn balalardyŋ sanyn kemınde ekı ese arttyruǧa mümkındık beredı. Berık Qanievtıŋ BJF damytu baǧdarlamasy aiasynda mynadai şaralar qarastyrylǧan:
- aimaqtyq federasiialar janyndaǧy qosymşa 17 futbol ortalyǧyn aşu;
- audan ortalyqtary men auyldarda futbol infraqūrylymyn keŋeitu;
rezervtı daiyndau jüiesın jetıldıru;
- BJF bäsekelestık jüiesın jüieleu;
talanttardy ızdeu jüiesın damytu (skauting);
- UEFA-men bırlesken QFF janyndaǧy joǧary bılıktı futbolşylardy daiyndau akademiiasyn qūru.
- bırınşı kezeŋde (UEFA sanatyndaǧy) balalar jattyqtyruşylarynyŋ sanyn ekı ese arttyru
Berık Qaniev futbol infraqūrylymyn damytudaǧy sapaly serpılıs turaly aita kelıp, baǧdarlamanyŋ osy tarmaǧy aiasynda elımızdıŋ Soltüstık öŋırlerınde tolyq kölemdegı alaŋdary bar 5 manejdıŋ, sondai-aq jaŋa tolyq kölemdegı alaŋdardyŋ qūrylysy josparlanyp otyrǧanyn atap öttı.
Būdan bölek, Berık Qanievtıŋ baǧdarlamasynda joǧarǧy oqu oryndarynda futbol jattyqtyruşylaryn jäne futbol salasynyŋ basqa da mamandaryn daiyndaityn kafedralar sanyn köbeitu qarastyrylǧan. Būl futbol industriiasynyŋ mamandaryn daiyndap, lisenziia beruge mümkındık jasaidy.
Berık Qaniev käsıbi futboldy qalai qaita retke keltıruge niettı ekenın aitty. Onyŋ aiasynda futbol klubtaryn memlekettık qarjylandyrudan jeke qarjylandyruǧa kezeŋ-kezeŋımen köşu, legionerlerdı (oiynşylar men mamandardy) kezeŋ-kezeŋımen qysqartu jäne olardyŋ sapasyn arttyru mındetın alǧa qoia otyryp, olardy qabyldau limitın qaita qarau jüzege asyrylady. Memlekettik biudjet esebinen eŋbekaqy taǧaiyndau, üstemaqyny demeuşiler esebinen töleu mehanizmin qarastyru.
Berık Qaniev özınıŋ sailaualdy baǧdarlamasyna engızılgen futboldy damytuǧa memlekettık qoldau körsetu şaralaryn atap öttı. Olardyŋ ışınde:
sport ǧimarattaryn ūstauǧa arnalǧan kommunaldyq tölemderdı subsidiialau;
salyq mäselelerın qarastyru – KTS, jer, mülık;
«Qarapaiym zattar ekonomikasy» baǧdarlamasy arqyly arzan nesieler;
Atalmyş şaralar sport zaŋnamasyna engızıledı.
Sonymen qatar Prezident Qasym-Jomart Toqaevtyŋ auyldarda sport alaŋdaryn salu jönındegı tapsyrmasyn oryndau şeŋberınde «Qazaqstan halqyna» qorynyŋ mümkındıkterın paidalanu qarasyrylǧan.
Berık Qaniev ūsynǧan futboldy damytudyŋ 2030 jylǧa deiıngı baǧdarlamasynyŋ jeke tarmaǧy otandyq sporttaǧy jemqorlyqty joiuǧa arnalǧan. Ol üşın futboldyŋ qazırgı jaǧdaiyna: futbolmen ainalysatyn balalardyŋ, jattyqtyruşylardyŋ, futbolşylardyŋ, futbol ortalyqtarynyŋ, seksiialardyŋ naqty sanyna audit jürgızu josparlanuda. İnfraqūrylymǧa tolyq taldau, materialdyq-tehnikalyq bazaǧa tügendeu jürgızıledı. Jäne jürgızılgen audit boiynşa esep beru jariialanady dep uäde etılgen.
Sonymen qatar Berık Qaniev kelısılgen oiyndardyŋ aldyn alu tetıkterın äzırlep, sot korpusyn yntalandyru jüiesın jetıldırudı maqsat etıp otyr. Täjıribege futbol meritokratiiasy prinsipı engızıledı – iaǧni, sportşylardy ädıl ırıkteu qolǧa alynady. Futbol transferlerın jüzege asyruda deldaldyq shemalar joiylady.
”Adyrna” ūlttyq portaly
