Qazaqstannyŋ «Aq jol» demokratiialyq partiiasynyŋ atynan sailanǧan QR Parlamentı Mäjılısınıŋ deputattary Azat Peruaşev pen Qazybek İsa Şymkent qalasyna jūmys saparymen keldı.
Halyq qalaulylary jaŋadan salynyp jatqan «Jūldyz» industriialdy aimaǧynda bolyp, jūmys barysymen tanysty. Aumaǧy 306 gektardy qūraityn būl aimaqqa qazır memlekettık biudjettıŋ esebınen 6,5 milliard teŋgege infraqūrylym jäne injinerlık-kommunikasiialyq jelıler tartylyp jatyr. Qazırdıŋ özınde 10 kompaniia osy aimaqta öz käsıporyndaryn aşuǧa kırısken. Bolaşaǧy 230 milliard teŋge investisiia tarta otyryp, 50-den astam zauyt-fabrika aşu josparlanǧan. İndustrialdy aimaq tolyq quatymen jūmys ıstei bastaǧan kezde mūnda 5 myŋ adam jūmyspen qamtylady dep josparlanǧan.–Qaŋtardaǧy oqiǧalardyŋ negızgı sebebı – jūmyssyzdyq, kedeilık pen bolaşaqqa degen senımnıŋ bolmauy. Jastardyŋ erteŋgı künnen ümıtı bar bolsa, laŋkestık ūiymdardyŋ arandatuyna erıp, jappai būzaqylyqqa barmas edı. Sol sebeptı tezdetıp öndırıstı damytyp, jastarǧa tūraqty jūmys oryndaryn ūsynuymyz kerek. Öŋırlerde osy jūmystyŋ qalai jürıp jatqanyn, tauar öndıruşıler qandai problemalarmen betpe bet kelıp otyrǧanyn bılu maqsatynda keldık, – dedı Azat Peruaşev.Mūnan keiın deputattar «Oŋtüstık» arnaiy ekonomikalyq aimaǧynda da bolyp, «Şymkent himiialyq kompaniiasy» JŞS-ınıŋ metiltretbutil efirın öndıretın zauytynyŋ jūmysymen de tanysty.
