Olar men oqyp jatqan jataqhana bölmesın ǧana emes, Geolog poselkesındegı ata-anamnyŋ üiın de baryp tıntken.
Mūqatovanyŋ üstınen qozǧalǧan qylmystyq ıs barysynda «polisiia qysymyna ūşyraǧany» turaly mälımdemelerı boiynşa Azattyq Atyrau oblystyq IID-ne jazbaşa saual da joldady. Säuırdıŋ 5-ınde IID Memlekettık tıl jäne aqparat bölımınıŋ basşysy N.Qaisaǧalieva qol qoiǧan resmi jauapta:
"Atalǧan ıske qatysty QR Qylmystyq Kodeksınıŋ 174-baby 1-bölımı boiynşa sotqa deiıngı tergeu-tekseru amaldary jürgızılude. Özge aqparat QR Qylmystyq-prosessualdyq Kodeksınıŋ 201-babyna säikes jariialauǧa jatpaidy" dep jazylǧan.
Atyrau oblystyq prokuraturasy Dianara Mūqatovaǧa qatysty qylmystyq ıs turaly tek jazbaşa jauap beretınderın aitty.
TINTU JÄNE MOIYNDAU
Dianara Mūqatova nauryzdyŋ 6-synan berı qūqyq qorǧau organdary tarapynan qudalauǧa ūşyrap jatqanyn aitady. Onyŋ sözınşe, sol künı özı oqityn qalanyŋ şet jaǧyndaǧy «Nūrsaia» şaǧyn audanyndaǧy ARES kolledjınıŋ ǧimaratyna kelgen poliseiler aldymen ony küştep alyp ketuge tyrysqan. Polisiia qyzmetkerlerı qoldaryndaǧy sot qaulysyn körsetıp, bölmesın tıntken. Bıraq ol advokatsyz barudan bas tartyp, keşkı saǧat 17.00-ge deiın uaqyt berudı sūraǧanyn aitady.
- Olar men oqyp jatqan jataqhana bölmesın ǧana emes, Geolog poselkesındegı ata-anamnyŋ üiın de baryp tıntken. Noutbugymdy jäne qolymdaǧy telefonymdy saraptama jasaimyz dep alyp kettı, - deidı ol.
Dianara Mūqatova nauryzdyŋ 7-sınde taǧy da şaqyru qaǧazyn äkelgen soŋ Atyrau oblystyq IID ǧimaratyna kelgenın aitady.
- Men kelgenımde tergeuşı Aidosynov bolmady. Bölmede özın tanystyrmaǧan qarapaiym kiıngen jıgıt otyrdy. Ol maǧan dörekı söilep, «Qandai psihologiialyq kıtaptar oqisyŋ? Sen menı qylqyndyrǧyŋ kelıp tūr ma?» dep aiqailai bastady. Onyŋ menı psihologiialyq auytquşylyǧy bar adam retınde körsetkısı kelıp otyrǧanyn tüsıne qoidym. «Men būl saualdaryŋyzǧa jauap bermeimın» dedım, - deidı Dianara Mūqatova.
Men özıme bıreu jala jaba ma dep qauıptenemın. Sondyqtan qaltalarymnyŋ bärın tıgıp tastadym. Al sabaǧymdy oqyp, jataqhana tärtıbın saqtap jürgendıkten menı şyǧaruǧa sebep joq
Dianara özınıŋ būl jerden oŋailyqpen şyǧa almasyn bılmeitının tüsıngenın aitady. Ol özıne jasalǧan «eger sen bızge [kınäŋdı] videoǧa moiyndasaŋ, bız senı oquyŋda qaldyramyz jäne tuystaryŋa tiıspeimız» degen ūsynysty qabyldauǧa mäjbür bolǧanyn aitady. Qolyna berılgen mätınde «Facebook-tegı postaryn özın tanymal qylu üşın jazǧany, būryn QDT (Qazaqstanda ekstremistık ūiym retınde tyiym salynǧan «Qazaqstannyŋ demokratiialyq taŋdauy» qozǧalysy – red.) belsendısı bolǧany, endı qoldamaityny turaly baiandalǧan» deidı.
- Videoǧa: «Qymbatty äielder, analar, qūrbylar! Barlyqtaryŋyzdy 8 nauryz merekecımen qūttyqtaimyn! Men būryn QDT belsendısı edım, endı ony qoldamaimyn, senderge sondai keŋes beremın» dep aittym. Menı bosatty. Qatty depressiiaǧa tap boldym, - deidı ol.
Dianara Mūqatova osymen bärı aiaqtaldy dep oilaǧanymen nauryzdyŋ 15-sı künı özın alyp ketuge poliseilerdıŋ taǧy kelgenın aitady.
- Men advokatymmen bırge Atyrau oblystyq Işkı ıster departmentıne kelsem, özın «oblys prokurory orynbasary» dep tanystyrǧan jas jıgıt menıŋ atyma jazylǧan eskertu qaǧazyn berdı. Onda [Astana qalasy] Esıl audandyq sotynyŋ şeşımımen QDT qozǧalysynyŋ ekstremistık dep tanylǧany turaly jazylǧan eken. Men tanysudan bas tarttym. Prokuror menıŋ üstımnen qaǧaz toltyratynyn aitty, - dedı ol.
Dianara Mūqatova sodan berı qūqyqqorǧau oryndarynyŋ özın oqudan da, jataqhanadan şyǧartuǧa tyrysyp jatqandaryn aitady.
- Men özıme bıreu jala jaba ma dep qauıptenemın. Sondyqtan qaltalarymnyŋ bärın tıgıp tastadym. Al sabaǧymdy oqyp, jataqhana tärtıbın saqtap jürgendıkten menı şyǧaruǧa sebep joq, - deidı ol özınıŋ qazırgı jaǧdaiy turaly.
Mūqatova Atyrau mūnai jäne gaz universitetın bıtırgen. Ol äleumettık jelıde Qazaqstan soty keiınırek ekstremistık ūiym dep tanyǧan QDT qozǧalysynyŋ materialdaryn belsendı türde bölısıp, laik basqan, qoǧamdaǧy keibır jaǧdailarǧa öz pıkırın ötkır bıldırıp kelgen.
- Bıraq eşqaşan bıreudıŋ pıkırımen bölıskenım üşın, ne öz oiymdy bıldırgenım üşın ıstı bolamyn dep oilamappyn, - deidı ol.
«DİANARA DA AR-ŪJDAN TŪTQYNY»
Qazaqstandaǧy adam qūqyqtary jönındegı biuronyŋ Atyraudaǧy filialynyŋ jetekşısı qūqyq qorǧauşy Äsel Nūrǧazieva Mūqatovaǧa qatysty ıstıŋ arnasyn qalai qarau būru tergeu oryny men sottyŋ qolynda tūr dep oilaidy.
- QDT qozǧalysynyŋ «ekstremist» dep tanylatyny turaly Dianara da, eşkım de bılgen joq. Ol özınıŋ qūqyǧyn paidalanyp, oi-pıkırlerın aityp, ūnaǧan postylarmen bölısıp jürdı. Al onyŋ telefonyn, kompiuterın nauryzdyŋ 6-synda alyp ketken. QDT "ekstremistık ūiym" dep nauryzdyŋ 13-ınde tanylǧan. Eger Dianaraǧa ekstremizmdı [aiyp retınde] taŋsa, būl endı adam qūqyqtaryn, zaŋ būzudyŋ naqty şyŋy bolyp şyǧady, - dep sanaidy ol.
