Belgılı aitysker aqyn, "Alatau" dästürlı öner teatrynyŋ direktory Rinat Zaiytov "Aitys Masa" YouTube arnasyna bergen sūqbatynda qoǧam ışınde "Rinat Zaiytovqa şyndyq aitqyzbas üşın jyly jūmsaq oryn berıp, onyŋ auzyn japty, satyp aldy" degen keŋ taralǧan pıkırge qatysty öz oiyn bıldırdı. Būl turaly "Adyrna" ūlttyq portaly jazady.
"Ärkım özınşe tarazylasyn. Bıraq, menıŋ qazırgı ıstep jürgen jūmysym - eŋ bırınşı sony anyqtap alu kerek. Ol bır jyly jūmsaq jer ne bolmasa erteŋgı bır qoǧamǧa äser etetın küşı bar keremet jer emes. Ol özımnıŋ üirengen, bala kezden ıstegen jerım - teatr. Ol jerdıŋ ailyǧy - 200 myŋ teŋge, qolyna 160 myŋ ba, 170 myŋ ba sondai teŋge alasyŋ. Bälkım, ol jerden aqşa ūrlauǧa bolatyn şyǧar. Men ony bılmeimın. Öitkenı, memlekettık mekemenıŋ bärınen aqşa ūrlai beredı ǧoi adamdar qazır. Ötırık aitpaimyn, oǧan äreket jasap körmeppın. Jasaimyn degen oiymda da joq. Osydan 2 kün būryn bastyǧymmen, qala basşylyǧy bärı auysyp jatqannan keiın, baryp aittym: "Men kete bereiınşı jūmystan. Kelesı basşylyqpen ıstese alamyn ba? Istese almaimyn ba? - dep. Joq, äzırşe jüre tūr dedı". Ol jerge men baryp, mysaly "Men ündemei qalam, maǧan jūmys berıŋder" degen joqpyn, - deidı Rinat Zaiytov.Aituynşa, oǧan äkımşılık "qoǧamǧa paidaŋdy keltırgıŋ kelse, memleketke paidaŋdy keltırgıŋ kelse, jūmys ıstep, bızge kömektes. Bız sonyŋ aiasynda öz jūmysymyzdy ıstei beremız. Öitkenı, köptegen arandatuşylar senıŋ sözıŋdı paidalanyp ketedı" dep ūsynys bıldırgen.
"Bıraq, ol jerde, basqa jerlerde de, aitysta da aitqanmyn: "Ministr qylyp qoisa da, mınezımdı satpaimyn" dep. Iýtubta neşe türlı jerde aitady ǧoi. Rinat Zaiytov mynadai jerge bastyq bolypty dep. Ana ǧimarattyŋ qūlaǧaly tūrǧanyn nege eşkım aitpaidy, ol qūlaǧaly tūrǧan ǧimarat negızı... Kürdelı jöndeuden ötpese... Ony salǧan adam türmede otyr, salynǧanyna alty-aq jyl bolǧan. Bıraq, qalai bolsa solai salynǧan. Işınde ūrlanǧanyn aitpaǧan da. Kürdelı jöndeuden ötpeitın bolsa, ol jerde jūmys ısteu endı bır jyldan keiın öte qauıptı bola bastaidy. Osynyŋ barlyǧyn eşkım aitpaidy. Jyly, jūmsaq jer dep... Joq, menıŋ barǧan maqsatym - eŋ bolmasa, anau 200 adamǧa jaqsylyq jasai alatyn qolymda bilık boluy kerek. Solardyŋ ailyqtaryn ornymen uaqytynda alyp beru, olardyŋ memleketten bölıngen premiialaryn jep qoimai, qoldaryna jetkızıp beru. Olardyŋ teatrdan, kinozaldan tüsıp jatqan tabystaryn jep, anda-mynda jymqyrmai, solardyŋ közderıne körsetıp, mıne-mıne myna aqşa mynda kettı, mynau bylai kettı dep... Bızde sondai bır orta qalyptastyrǧym keldı. Sosyn basqalarǧa aitqym keldı. Mıne, bylai ısteuge bolady eken dep..., - deidı Zaiytov."Eger bükıl gäp menıŋ jūmysymda ǧana bolatyn bolsa, aityp otyrmyn ǧoi. Men aldyngünı de jazǧam, qazır de kete bere alamyn ol jerden. Menı ol jerde ūstap otqan eşnärse joq! Bıraq, bızdıŋ Qazaqstanda özı sol qamalmaǧan, ölmegen adamdar bärı şetınen jeksūryn. Oǧan üirenıp qaldyq qazır...",- dep küiındı aqyn...
"Adyrna" ūlttyq portaly
