Jyl basynan berı qazaqstandyqtarǧa 234,7 milliard teŋgeden astam zeinetaqy tölendı. Zeinetaqynyŋ ortaşa mölşerı 105 myŋ teŋgeden asty, dep habarlaidy "Adyrna" ūlttyq portaly.
Eŋbek jäne halyqty äleumettık qorǧau ministrlıgınıŋ mälımetınşe, biyl qaŋtarda respublikalyq biudjetten zeinetaqy tölemderıne 234,7 milliard teŋgeden astam, onyŋ ışınde bazalyq zeinetaqyǧa 71,3 milliard teŋge, yntymaqty zeinetaqyǧa 163,4 milliard teŋge bölındı.
Vedomstvo habarlauynşa, 2022 jylǧy 1 aqpandaǧy jaǧdai boiynşa Qazaqstanda zeinetkerler sany 2 mln 245 myŋnan astam adamdy qūraidy.
- 2022 jylǧy 1 aqpandaǧy jaǧdai boiynşa zeinetaqy tölemderınıŋ ortaşa mölşerı (bazalyq zeinetaqy tölemın eskere otyryp) 105 291 teŋgenı qūrady, - delıngen habarlamada.2018 jylǧy 1 şıldeden bastap memlekettık bazalyq zeinetaqy tölemı, zeinetaqy jüiesındegı täjıribesın eskere otyryp, är aluşyǧa jeke taǧaiyndalǧanyn eske salaiyq. Būl rette 1998 jylǧy 1 qaŋtardaǧy jaǧdai boiynşa yntymaqty jüiede jūmys ıstegen uaqyty, sondai-aq mındettı zeinetaqy jarnalary (būdan ärı – MZJ) tölengen kezeŋder zeinetaqy jüiesındegı eŋbek ötılıne qosylady. Sonymen, eger zeinetaqy jüiesındegı jūmys ötılı 10 jyl nemese odan az bolsa, sondai-aq eger mülde joq bolsa, bazalyq zeinetaqy eŋ tömengı künkörıs deŋgeiınıŋ 54%-yn qūraidy, sodan keiın 10 jyldan asqan är jyl üşın onyŋ mölşerı 2%-ǧa artady. Mysaly, eger sız 20 jyl qatyssaŋyz, bazalyq zeinetaqy künkörıs deŋgeiı qūnynyŋ 74%-dy, 30 jyl – künkörıs qūnynyŋ 94%-yn qūraidy. 33 jäne odan da köp jyl jūmys ötılı bolsa, künkörıs qūnynyŋ 100% joǧary mölşerınde belgılenedı. Eger bır ai ışınde MZJ Bıryŋǧai jinaqtauşy zeinetaqy qoryna bırneşe ret jasalsa, jinaqtauşy jüiege qatysu merzımı bır aidy qūraidy. Osylaişa, mındettı zeinetaqy jarnalary neǧūrlym tūraqty jäne tolyq salynatyn bolsa, zeinetaqy jasyna jetkende bazalyq zeinetaqy tölemderınıŋ mölşerı soǧūrlym köp bolady. Öz kezegınde, jasyna bailanysty zeinetaqy tölemderınıŋ mölşerı 1998 jylǧy 1 qaŋtardaǧy jūmys ötılıne (kem degende 6 ai qajet) jäne zeinetkerlıkke deiıngı kezeŋde alynǧan ortaşa ailyq tabysqa bailanysty bolady.
"Adyrna" ūlttyq portaly
