Qaŋtar köterılısıne bailanysty alǧaşqy sot şeşımı şyqty. Almaty qalasy Almaly audandyq sotynyŋ sudiasy Qairat İmanqūlovtyŋ şeşımımen Almaty oblysy Eŋbekşıqazaq audany Esık qalasynyŋ tūrǧyndary Baqyt Oŋtai men Öjet Jeŋıshan 5 jylǧa sottap, jazalaryn qauıpsızdıgı ortaşa rejimdegı tüzeu mekemesınde öteuge kesken. Ekeuı de 1999 jyly tuǧan, 22 jasta. Būl turaly Azattyqqa sottaluşylardyŋ tuystary habarlady, dep jazady "Adyrna" ūlttyq portaly.
Baqyt Oŋtai men Öjet Jeŋıshan jönındegı tergeu 26 qaŋtarda aiaqtalyp, qylmystyq ıs 1 aqpanda sotqa tüsken, sot ükımı 17 aqpanda şyqqan.
Qaŋtar köterılısıne bailanysty köptegen azamattar üstınen qylmystyq ıs qozǧalǧanymen, äzırge sotqa jetpegen edı.
Sottaluşynyŋ bırı Baqyt Oŋtaidyŋ anasy Aqmaral Baiseiıtova balasyn 13 qaŋtarda Eŋbekşıqazaq audandyq polisiia bölımınıŋ qyzmetkerlerı alyp ketkenın aitady.
- 13 qaŋtardyŋ keşınde kölıgıne benzin qūiu üşın şyqqan. Tüngı 23:00 şamasynda balamdy alyp bır top polisei kelıp, üidı tınttı. Balamdy qaita äkettı, sodan keiın körmedım. Üş künnen keiın advokat Qūralai Qaliasqarova balamnyŋ üstınen qaru-jaraq ūrlauǧa qatysty ıs qozǧalǧanyn aitty,- deidı.Baqyt Oŋtai men Öjet Jeŋıshanǧa memleket bekıtken advokat Qūralai Qaliasqarovanyŋ sözınşe, olarǧa Qylmystyq kodekstıŋ 291 baby 3 bölıgı boiynşa ("Qarudy, oq-därılerdi, jarylǧyş zattar men jarylys qūrylǧylaryn jymqyru ne qorqytyp alu") aiyp taǧylǧan.
- Aiyptaluşylar qylmystaryn tolyq moiyndap, "Alpamys" dükenınen qaru-jaraq ūrlap, tauǧa aparyp tyǧyp qoiǧan jerlerınen alyp bergenın aitty,- deidı advokat.Baqyt Oŋtai men Öjet Jeŋıshannyŋ sottalǧanyn Almaty qalalyq sotynyŋ resmi ökılı Abai Jarylqasynūly da rastady. Onyŋ sözınşe, qazırge deiın Qaŋtar oqiǧasyna bailanysty 18 ıs qaralyp, sot şeşımı şyqqan. "Kınäsın moiyndap, şyǧyndy ötegenı üşın" köbıne bostandyǧyn şekteu jazasy belgılengen. 2022 jyly qaŋtardyŋ basynda gaz baǧasyn 50 teŋgeden asyrmau turaly talappen ereuılge şyqqan Jaŋaözen tūrǧyndaryn qoldau üşın Qazaqstannyŋ köptegen aimaǧynda bastalǧan aksiialar bırtındep saiasi talap qoiǧan narazylyqqa ūlasqan. Resmi mälımet boiynşa, 227 adam osy oqiǧada qaza bolǧan. Osy oqiǧadan keiın qūqyq qorǧau organdary türlı aiyptarmen azamattardy ūstap, qamaudy bastaǧan. Qamalǧandardy azaptap, "qylmysyn" küşpen moiyndatyp jatqany jaily habar köbeigen. Bas prokuraturanyŋ 16 aqpandaǧy mälımetıne qaraǧanda qūqyq qorǧau organdarynyŋ äreketıne bailanysty 363 şaǧym tüsken, azaptau jäne tergeudıŋ zaŋsyz ädısterı boiynşa 178 qylmystyq ıs aşylǧan. Bas prokuratura mälımetıne qaraǧanda, qaŋtar oqiǧasyna bailanysty sotqa deiıngı 3096 ıs tırkelgen. Arnaiy prokurorlar "jappai tärtıpsızdık jäne terrorizm aktısı" boiynşa 181 ıstı tergep jatyr. 741 küdıktı sot sanksiiasymen qamauǧa alynǧan. 157 küdıktınıŋ būltartpas şarasy densaulyǧy jäne özge jaittarǧa bailanysty qamaumen bailanysty emes şara türımen almastyrylǧan.
"Adyrna" ūlttyq portaly
