Shymkentte turǵyndardy sapaly elektr energııasymen qamtamasyz etý jumystary jalǵasýda. Búgin qalalyq energetıka jáne ınfraqurylymdy damytý basqarmasynyń ókilderi BAQ ókilderin atqarylyp jatqan jumys barysymen tanystyrdy.
Sonyń biri – Asar-2 shaǵynaýdanyn sapaly elektr qýatymen qamtý boıynsha jalpy sany 2 139 elektr baǵanasy ornatyldy. Buǵan qosa 24 transformator satyp alynyp, ýchaske basyna jetkizilgen. 30 shaqyrym elektr jelisi tartylyp, nátıjesinde 2700 úı elektr jaryǵymen qamtyldy.
– Memleket basshysynyń tapsyrmasymen qala turǵyndaryn sapaly elektr energııasymen qamtamasyz etý jumystary qala ákimi Murat Áıtenovtyń baqylaýymen júzege asyrylýda. 2021 jyly «Bozaryq» jáne «1-M-1» qosalqy stanııalarynyń qurylys aıaqtalyp, paıdalanýǵa berildi. Shaǵynaýdandar men eldimekenderge elektr jelilerin tartý sol qosalqy stanııalar iske qosylǵan soń múmkin bolyp otyr. Asar-2 shaǵynaýdanymen qosa Qaınarbulaq turǵyndary da bıyl sapaly elektr jaryǵyna qol jetkizedi, – dedi basqarma basshysy Boranbaı Býlatbekov.
Búgingi tańda Qaınarbulaq turǵyn alabynyń shet jaǵyna da baǵanalar ornatylýda. Merdiger «Turan Energo Group» mekemesiniń mamandary tıisti 3280 baǵaǵanyń 3000-nan astamyn ornatyp qoıǵan.
