Qasym-Jomart Toqaev myrza!
Ýkraınada 2 myńǵa jýyq qazaqstandyq azamat turady.
Olardy shuǵyl túrde Otanymyzǵa evakýaııalaý qajet.
Qazir Ýkraına áýe keńistigi jabyq ekeni ámbege aıan. Dese de oraıy kelse otandastyrymyzdy qaýipsiz jerge kóshirilýin qamtamasyz etken jón.
Sońǵy jyldary Nazarbaevtyq rejımge qarsy shyǵyp, saıası qýdalaýǵa túsken saıası kúreskerler Ýkraınany panalaýǵa májbúr boldy.
Solardyń biri, “Jańa Qazaqstan” quryldy” dep jýyrda Ýkraınadan ushyp kelgen Ermek Narymbaı áýejaıdan otandyq túrmege top ete qaldy. Ókinishke qaraı, áli kúnge sonda jatyr. Osy bir faktige súıenip elge qaıta almaı júrgen otandastyrymyz bar shyǵar.
Soǵys bolyp jatqan aımaqtaǵy qazaqstandyq saıası kúreskerlerdiń taǵdyryna beıjaı qaramaýyńyzdy ótinemin. Nazarbaev rejımine qarsy shyqqan azamattar - jemqor, terrorıst, qylmysker emes! Olardyń kóbi - ádildik pen demokratııanyń jaqtaýshylary.
Azamattarymyzdyń elge qaıtaýyna jaǵdaı jasańyz. Tıispeńiz, qaıta elge shaqyryp, izgilik tanytyńyz!
Qazaqstanda shynaıy saıası jylymyq baryn dáleldeńiz! Saıası reformanyń bastaýyn - shet elderge ydyrap kóship ketken árbir kúresker qazaqty aqtaýdan bastańyz!
Dına ELGEZEK
